ନୂଆଦିଲ୍ଲୀ: ଜୁନିୟର ସୁଟିଂ ବିଶ୍ବକପର ପ୍ରଥମ ଦିନ ଭାରତ ପାଇଁ ସ୍ବର୍ଣ୍ଣିମ ଦିନ ରହିଛି । ଜର୍ମାନିରେ ହେଉଥିବା ଏହି ଟୁର୍ଣ୍ଣାମେଣ୍ଟରେ ଉଦ୍ୟାଭିର ସିଧୁ 2ଟି ସ୍ବର୍ଣ୍ଣ ପଦକ ଜିତିଛନ୍ତି । ଜୁନିୟର 25 ମିଟର ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ଉଦ୍ୟାଭିର 575 ପଏଣ୍ଟ ସହ ସ୍ବର୍ଣ୍ଣ ପଦକ ହାତେଇଛନ୍ତି । ଆଦର୍ଶ ସିଂହ 568 ପଏଣ୍ଟ ସ୍କୋର କରି ରୌପ୍ୟ ଓ ଅନିସ ବନୱାଲା 566 ପଅଣ୍ଟ ସହ ବ୍ରୋଞ୍ଜ ପଦକ ହାସଲ କରିଛନ୍ତି ।
ଜୁନିୟର ସ୍ବର୍ଣ୍ଣ ପଦକ ଇଭେଣ୍ଟରେ ଉଦ୍ୟାଭିର, ଆଦର୍ଶ ଓ ବିଜୟଭିର ମିଳିତ ଭାବେ 1707 ପଏଣ୍ଟ ସହ ଜୁନିୟର ବିଶ୍ବ ରେକର୍ଡର ଅଧିକାରୀ ହୋଇଛନ୍ତି । ରୌପ୍ୟ ବିଭାଗରେ ମଧ୍ୟ ଭାରତୀୟ ଖେଳାଳି 1676 ପଏଣ୍ଟ କରିସାରିଛନ୍ତି ।
ପ୍ରଥମ ଦିନ ଶେଷ ସୁଦ୍ଧା ଭାରତ 2ଟି ସ୍ବର୍ଣ୍ଣ, 2ଟି ରୌପ୍ୟ ଓ ଗୋଟିଏ ବ୍ରୋଞ୍ଜ ପଦକ ସହ ମୋଟ 5ଟି ପଦକ ହାସଲ କରିଛି । ଭାରତ ପଛକୁ ଚାଇନା ଓ ଥାଇଲାଣ୍ଡ ଗୋଟିଏ ଲେଖାଏଁ ସ୍ବର୍ଣ୍ଣ ପଦକ ଜିତି 2ୟ 3ୟ ସ୍ଥାନରେ ଅଛନ୍ତି ।
