ମିଆମି(ୟୁଏସ): WTA ଟୁର୍ରେ ବିଶ୍ବ ମହିଳା ଟେନିସ ଜଗତର ଅନ୍ୟତମ ଶ୍ରେଷ୍ଠ ଖେଳାଳି ଇଗା ସ୍ବିଆତେକ ନିଜର ବିଜୟ ପ୍ରଦର୍ଶନ ଜାରି ରଖିଛନ୍ତି । ମିଆମି ଓପନ ଫାଇନାଲ ମୁକାବିଲାରେ ଶନିବାର ନାଓମି ଓସାକାଙ୍କୁ ୬-୪, ୬-୦ରେ ହରାଇ ଚାମ୍ପିୟନ ହୋଇଛନ୍ତି ସ୍ବିଆତେକ ।
-
☀️Sunshine double! pic.twitter.com/Q6UoVxJ451
— Iga Świątek (@iga_swiatek) April 3, 2022 " class="align-text-top noRightClick twitterSection" data="
">☀️Sunshine double! pic.twitter.com/Q6UoVxJ451
— Iga Świątek (@iga_swiatek) April 3, 2022
☀️Sunshine double! pic.twitter.com/Q6UoVxJ451
— Iga Świątek (@iga_swiatek) April 3, 2022ଫାଇନାଲ ମ୍ୟାଚ୍ ପ୍ରାୟ ଏକ ଘଣ୍ଟା ୧୭ ମିନିଟ୍ ଧରି ଖେଳାଯାଇଥିଲା । ଏହା ସ୍ବିଆତେକଙ୍କ ୧୭ତମ ସିଧାସଳଖ ବିଜୟ ଓ କ୍ରଗାମତ ତୃତୀୟ ଟାଇଟେଲ । ଏହି ପ୍ରଦର୍ଶନ ସହିତ ପୋଲିସ ଟେନିସ ଷ୍ଟାର ପ୍ରଥମ ଥର ପାଇଁ ନିଜ କ୍ୟାରିୟରରେ ବିଶ୍ବର ନମ୍ବର ୧ ମାନ୍ୟତା ହାସଲ କରିଛନ୍ତି । ଏହି ଟାଇଟେଲ ସ୍ବିଆତେକଙ୍କ ଚତୁର୍ଥ WTA ୧୦୦୦ ଟାଇଟେଲ ଓ ମୋଟ୍ ଭାବେ ଷଷ୍ଠ ଏକକ ଟାଇଟେଲ ।
ଏଥିସହ ଏକ ବିରଳ ଉପଲବ୍ଧି ମଧ୍ୟ ହାସଲ କରିଛନ୍ତି ସ୍ବିଆତେକ । ସମାନ ସିଜିନରେ WTA ୧୦୦୦ ଇଣ୍ଡିଆନ ୱେଲ୍ସ ଓ ମିଆମି ଓପନ ଟାଇଟେଲ ବିଜୟ ସହ ସନସାଇନ ଡବଲ ଜିତିବାରେ ଚତୁର୍ଥ ମହିଳା ହୋଇଛନ୍ତି । ପୂର୍ବରୁ ନମ୍ବର ୧ ମାନ୍ୟତାରେ ରହିସାରିଥିବା ଷ୍ଟେଫାନି ଗ୍ରାଫ(୧୯୯୪ ଓ ୧୯୯୬), କିମ କ୍ଳିଜଷ୍ଟର୍ସ(୨୦୦୫) ଓ ଭିକ୍ଟୋରିଆ ଆଜାରେଙ୍କା(୨୦୧୬) ଏହି ସମ୍ମାନଜନକ କ୍ଳବରେ ସାମିଲ ହୋଇସାରିଛନ୍ତି । ୨୦ ବର୍ଷୀୟ ସ୍ବିଆତେକ ସର୍ବକନିଷ୍ଠ ଭାବେ ଏହି କ୍ଳବରେ ସାମିଲ ହୋଇଛନ୍ତି ।
ANI
