ଲୁସାନେ: ଭାରତୀୟ ଅଲମ୍ପିକ ସଂଘ ମୁଖ୍ୟ ନରିନ୍ଦର ବାତ୍ରା 2016ରେ ଏଫଆଇଏଚ ସଭାପତି ହୋଇଥିଲେ । ତେବେ ପୁନର୍ବାର ଏହି ପଦ ପାଇଁ ସେ ନିର୍ବାଚନ ଲଢୁଥିବା ସ୍ପଷ୍ଟ କରିଛନ୍ତି । ଫେବ୍ରୁଆରୀ 18ରେ ଏଫଆଇଚ କଂଗ୍ରେସକୁ ଏନେଇ ଚିଠି ମାଧ୍ୟମରେ ସେ ଜଣାଇଛନ୍ତି । ଏଫଆଇଚ ପକ୍ଷରୁ ବିଭିନ୍ନ ପଦ ପାଇଁ ନାମାଙ୍କନ ଭରିଥିବା ବ୍ୟକ୍ତିବିଶେଷଙ୍କ ନାମ ଘୋଷଣା କରିଛି । ଏଥିରେ ବାତ୍ରାଙ୍କ ନାମ ରହିଛି । ମାର୍ଚ୍ଚ 12 ନାମାଙ୍କନ ପତ୍ର ଦାଖଲର ଶେଷ ତାରିଖ ରହିଥିଲା ।
"ଏଫଆଇଏଚ ନିୟମ ଅନୁଯାୟୀ, ଦାଖଲ ହୋଇଥିବା ନାମାଙ୍କନ ତାଲିକା ନିର୍ବାଚଳ ପରିଚାଳନା ଦାୟିତ୍ବରେ ଥିବା ପ୍ୟାନେଲକୁ ପଠାଯିବ।" ଏକ ବିଜ୍ଞପ୍ତିରେ ଏହା କହିଛି ବିଶ୍ବ କ୍ରୀଡା ସଂସ୍ଥା ।
ଏଫଆଇଏଚ ଗତ ବର୍ଷ ଅନୁଷ୍ଠିତ ହେବାର ଥିଲା, ମାତ୍ର କୋଭିଡ-19 କାରଣରୁ ସ୍ଥଗିତ ହୋଇଥିଲା । ଏଥିସହ ବାତ୍ରାଙ୍କ କାର୍ଯ୍ୟକାଳ ଅବଧି ବୃଦ୍ଧି ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
