ବର୍ମିଂହାମ(ଇଂଲଣ୍ଡ): ରାଜ୍ୟଗୋଷ୍ଠୀ କ୍ରୀଡା ପ୍ରତିଯୋଗିତାରେ ଚତୁର୍ଥ ସ୍ଥାନ ପାଇ ଅଭିଯାନ ଶେଷକଲେ ଭାରତୀୟ ଧାବିକା ଦୂତି ଚାନ୍ଦ । ୧୦୦ ମିଟର ମହିଳା ଦୌଡ ପ୍ରତିଯୋଗିତାର ପଞ୍ଚମ ହିଟ୍ସରେ ଚତୁର୍ଥ ସ୍ଥାନ ପାଇ ଅଭିଯାନ ଶେଷ କରିଛନ୍ତି ଦୂତି । ୧୦୦ ମିଟର ଅତିକ୍ରମ ପାଇଁ ଦୂତି 11.55ସେକେଣ୍ଟ ନେଇଥିଲେ । ଯାହା ଅତ୍ୟନ୍ତ ନୈରାଶ୍ୟଜନକ ଥିଲା ।
ବର୍ମିଂହାମରେ ଚାଲିଥିବା କମନୱେଲ୍ଥ ଗେମ୍ସ(Commonwealth Games 200) ପ୍ରତିଯୋଗିତାରେ ପୁଣି ନିରାଶ କରିଛନ୍ତି ଦୌଡରାଣୀ ଦୂତି ଚାନ୍ଦ । ସେମି କ୍ୱାଲିଫାଏ ରାଉଣ୍ଡରୁ ନିଜର ଅଭିଯାନ ଶେଷ କରିଛନ୍ତି ଦୂତି । ୧୦୦ ମିଟର ମହିଳା ଦୌଡ ପ୍ରତିଯୋଗିତାରେ ଚତୁର୍ଥ ସ୍ଥାନରେ ଥିବାରୁ ସେମିଫାଇନାଲକୁ ଉତ୍ତିର୍ଣ୍ଣ ହୋଇପାରିନାହାନ୍ତି । ଫଳରେ ଅଳ୍ପକେ ଭାରତର ମେଡାଲ୍ ଆଶା ମଉଳିଯାଇଛି ।
