ଟୋକିଓ: ଜାପାନରେ କୋରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଏଥିପାଇଁ ଟୋକିଓରେ କୋରୋନା କଟକଣା ଅବଧି ବୃଦ୍ଧି କରାଯାଇଛି । ମେ’ ମାସ ଶେଷ ଯାଏଁ ଏହି କଟକଣାକୁ ବଳବତ୍ତର ରଖିଛନ୍ତି ଜାପାନ ସରକାର । ତେବେ ଏହି କଟକଣା ଟୋକିଓ ଅଲମ୍ପିକ୍ସ ଆୟୋଜନ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି କହିଛନ୍ତି ଜାପାନ ପ୍ରଧାନମନ୍ତ୍ରୀ ୟୋସିନ୍ଦେ ସୁଗା ।
ଜୁଲାଇ ମାସ 24 ତାରିଖରେ ଟୋକିଓ ଅଲମ୍ପିକ୍ସ ଆରମ୍ଭ ହେବ । ଅଲମ୍ପିକ୍ସ ଆରମ୍ଭ ହେବାକୁ ଆଉ ଦୁଇମାସରୁ କମ ସମୟ ରହିଛି । ଏହାସତ୍ତ୍ବେ ଟୋକିଓ ଅଲମ୍ପିକ୍ସ ଆୟୋଜନ ଉପରେ କୋରୋନା କଟକଣାର କୌଣସି ପ୍ରଭାବ ପଡ଼ିବ ନାହିଁ ବୋଲି କହିଛନ୍ତି ଜାପାନ ପ୍ରଧାନମନ୍ତ୍ରୀ । ବର୍ତ୍ତମାନ ଜାପାନରେ କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ରାଜଧାନୀ ଟୋକିଓରେ ଜରୁରୀକାଳୀନ ସ୍ଥିତି ଘୋଷଣା ହୋଇଛି । ଏହି କଟକଣାକୁ ବୃଦ୍ଧି କରାଯାଇଛି ।
ଜାପାନ ପ୍ରଧାନମନ୍ତ୍ରୀଙ୍କ ମୁତାବକ ଜୁଲାଇ 24 ତାରିଖରେ ଟୋକିଓ ଅଲମ୍ପିକ୍ସ ଆରମ୍ଭ ହେବ । ମେ 31 ତାରିଖ ଯାଏଁ ଟୋକିଓରେ କଟକଣା ଜାରି ରହିବ । ଅଲମ୍ପିକ୍ସ ଆରମ୍ଭ ହେବା ପୂର୍ବରୁ ସମସ୍ତ ସ୍ଥିତି ଆୟତାଧିନ ରହିଥିବ । ଟୋକିଓ ଅଲମ୍ପିକ୍ସ ସୁରକ୍ଷିତ ଭାବରେ ଆୟୋଜିତ ହେବା ନେଇ ଆଶାବାଦି ରହିଛନ୍ତି ଜାପାନ ପ୍ରଧାନମନ୍ତ୍ରୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
