କଟକ: ସ୍ଥାନୀୟ ଜବାହାଲାର ନେହେରୁ ଇଣ୍ଡୋର ଷ୍ଟାଡିୟମରେ ଚାଲିଥିବା 21ତମ ରାଜ୍ୟଗୋଷ୍ଠୀ ଟେବୁଲଟେନିସ ପ୍ରତିଯୋଗିତାରେ ଦେଖିବାକୁ ମିଳିଛି ଭାରତୀୟ ଦଳର ଦବଦବା । ମହିଳାଙ୍କ ପରେ ପୁଣିଥରେ ଇଂଲିଶ୍ ଦଳକୁ 3-2 ସେଟରେ ମାତ୍ ଦେଇଛି ଭାରତୀୟ ପୁରୁଷ ଦଳ ।
ତେବେ ଏହି ରୋମାଞ୍ଚକ ପୂର୍ଣ୍ଣ ମୁକାବିଲାରେ ବିଜୟର ପ୍ରମୁଖ ଭୂମିକା ଗ୍ରହଣ କରିଥିଲେ ଭାରତୀୟ ଦଳର ଅଧିନାୟକ ତଥା ଭାରତର ଷ୍ଟାର ଟିଟି ଖେଳାଳି ଶରଥ କମଲ । ଶେଷ ସେଟ୍ରେ ସେ ପଏଣ୍ଟ ହାସଲ କରି ଭାରତକୁ ଏହି ବଡ ସଫଳତା ଭେଟି ଦେଇଛି ।
ଭିଡିଓ ସୌଜନ୍ୟ- ସମ୍ବାଦଦାତ, କଟକ
ପୂର୍ବରୁ ଭାରତୀୟ ମହିଳା ଦଳ ବିପକ୍ଷ ସେହି ଇଂଲଣ୍ଡ ଦଳକୁ 3-0ରେ ମାତ ଦେଇ ଫାଇନାଲରେ ବିଜୟ ମୁକୁଟ ପିନ୍ଧିଥିଲା । ମହିଳା ଦଳର ଅଧିନାୟିକା ମୋନିକା ବାତ୍ରା, ମାଧୁରିକା ପାଟକର, ଅର୍ଚ୍ଚନା କାମଥ ଦଳକୁ ବିଜୟ ଦେବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
