କଟକ: ଶେଷ ହୋଇଛି 76ତମ ରାଜ୍ୟ ପୋଲିସ କବାଡି ଓ ଅଷ୍ଟମ ହ୍ୟାଣ୍ଡବଲ ପ୍ରତିଯୋଗୀତା । କଟକ ଷଷ୍ଠ ଓ.ଏସ.ଏ.ପି ବାଟାଲିୟନ ପରିସରରେ ଚାଲିଥିବା ଏହି ପୋଲିସ କ୍ରୀଡା ଶୁକ୍ରବାର ଶେଷ ହୋଇଛି । ସ୍ୱତନ୍ତ୍ର ପୋଲିସ ଡିଜି ମନୋଜ ଛାବ୍ରା ମୁଖ୍ୟ ଅତିଥି ଭାବେ ଯୋଗ ଦେଇ କୃତୀ ଖେଳାଳିଙ୍କୁ ପୁରସ୍କାର ପ୍ରଦାନ କରିଥିଲେ । ତେବେ ପୋଲିସ ଓ କ୍ରୀଡା ମଧ୍ୟରେ ବନ୍ଧୁତା ସର୍ବଦା ରହିଥାଏ ବୋଲି କହିଥିଲେ ଛାବ୍ରା ।
ଭିଡିଓ ସୌଜନ୍ୟ: ସମ୍ବାଦଦାତା କଟକ ଏହି ହ୍ୟାଣ୍ଡବଲ ପ୍ରତିଯୋଗୀତାରେ ଷଷ୍ଠ ଓ.ଏସ.ଏ.ପି ବାଟାଲିୟନ ଦଳ ଚାମ୍ପିୟନ ହୋଇଥିଲା । ଦ୍ୱିତୀୟ ସ୍ଥାନରେ ଦ୍ୱିତୀୟ ଏସ ଏସ ବାଟାଲିୟନ କେନ୍ଦୁଝର ରହିଥିଲା । ସେହିପରି କବାଡି ପ୍ରତିଯୋଗୀତାରେ ଷଷ୍ଠ ଓ.ଏସ.ଏ.ପି ବାଟାଲିୟନ ଦଳ ଚମ୍ପିୟାନ ହୋଇଥିଲା ବେଳେ ସମ୍ବଲପୁର 2ୟ ସ୍ଥାନ ଅକ୍ତିଆର କରିଥିଲା । ଚଳିତବର୍ଷ କମିଶନରେଟକୁ ଶ୍ରେଷ୍ଠ ଶୃଙ୍ଖଳିତ ଦଳ ଭାବେ ପୁରସ୍କୃତ କରାଯାଇଛି । ଗତ 18 ତାରିଖ ରୁ ଆରମ୍ଭ ହୋଇଥିବା ଏହି ପୋଲିସ ଗେମ ଇଭେଣ୍ଟରେ ମୋଟ 25 ଦଳ କବାଡି ରେ ଓ 10 ଟି ଦଳ ହ୍ୟାଣ୍ଡବଲ ପ୍ରତିଯୋଗୀତାରେ ଅଂଶଗ୍ରହଣ କରିଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
