ନୂଆଦିଲ୍ଲୀ: ଭାରତୀୟ ବକ୍ସି ଫେଡେରେସନ(BFI) ନୂଆ ଗାଇଡଲାଇନର ପାଳନ ସହ ଅଭ୍ୟାସ ଆରମ୍ଭ ପାଇଁ ପ୍ରସ୍ତୁତି ଚଳାଇଛି । ମହାମାରୀ କୋରୋନା ଭାଇରସ ସଂକ୍ରମଣ ଭୟ କାରଣରୁ ସମସ୍ତ ଜାତୀୟ କ୍ୟାମ୍ପ ବନ୍ଦ ରହିଥିଲା । ମାତ୍ର ଭାରତୀୟ ବକ୍ସର ଆଗାମୀ ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରିବା ନେଇ ସବୁଜ ସଙ୍କେତ ମିଳିଛି ।
ତେବେ ଆରମ୍ଭ ହେବାକୁ ଥିବା ଜାତୀୟ କ୍ୟାମ୍ପରେ ଜାତୀୟ କୋଚିଂ ଷ୍ଟାଫ, ସମସ୍ତ ବକ୍ସର ଓ ସପୋର୍ଟ ଷ୍ଟାଫଙ୍କୁ ବୀମା ଯୋଗାଇଦେବ ଭାରତୀୟ ବକ୍ସି ଫେଡେରେସନ। ଏହାର ନାମ କୋଭିଡ-19 ବୀମା ରଖାଯାଇଛି । ତେବେ କେବଳ ଜାତୀୟ କ୍ୟାମ୍ପରେ ଭାଗନେଇଥିବା ଖେଳାଳି, କୋଚ ଓ ଷ୍ଟାଫଙ୍କୁ ବୀମା ଅନ୍ତର୍ଭୁକ୍ତ ହୋଇପାରିବେ ।
ଅଭ୍ୟାସ କ୍ୟାମ୍ପ ଆରମ୍ଭ ପୂର୍ବରୁ ଗାଇଡଲାଇନ ମୁତାବକ, ସମସ୍ତ ଖେଳାଳି, କୋଚ ଓ ଷ୍ଟାଫଙ୍କ କୋରୋନା ଟେଷ୍ଟ କରାଯିବ । ରେଡ ଜୋନରୁ ଆସିଥିବା ଖେଳାଳି 14 ଦିନ ଓ ଗ୍ରିନ-ଅରେଞ୍ଜ ଜୋନରୁ ଆସିଥିବା ଖେଳାଳି 5ଦିନ ପର୍ଯ୍ୟନ୍ତ ଅଭ୍ୟାସ ପୂର୍ବରୁ ହୋମ କ୍ବାରେଣ୍ଟିନରେ ରହିବେ ।
