ହାଇଦ୍ରାବାଦ: ଗତ ଶନିବାର ଠାରୁ ଆରମ୍ଭ ହୋଇଯାଇଛି ଟୋକିଓ ଅଲମ୍ପିକ ଟେଷ୍ଟ ଇଭେଣ୍ଟ । ଆଜି ଭାରତୀୟ ପୁରୁଷ ହକି ଦଳ 2ୟ ମ୍ୟାଚରେ ନ୍ୟୁଜିଲାଣ୍ଡ ଦଳକୁ ଭେଟିବ । ତେବେ ଗତକାଲିର ମାଲେସିଆ ବିପକ୍ଷରେ ଭାରତ ଏକତରଫା ଭାବେ ମ୍ୟାଚ ଜିତିଲାପରେ ଯୁବ ହକି ଟିମର ମନୋବଳ ବେଶ୍ ଦୃଢ ରହିବ ।
ଆଜି ଦିନ 3ଟା.30ରେ ନ୍ୟୁଜିଲାଣ୍ଡକୁ ମାତ୍ ଦେବା ଲକ୍ଷ୍ୟରେ ହରମନପ୍ରୀତଙ୍କ ବାହିନୀ ଟ୍ରୁପକୁ ଓହ୍ଲାଇବ । ସୂଚନାଥାଉକି, ଗତକାଲି ଭାରତ ମାଲେସିଆକୁ 6ଟି ଗୋଲ୍ରେ ପରାସ୍ତ କରିଥିଲା । ଦଳ ପକ୍ଷରୁ ମନଦୀପ ସିଂ ଓ ଗୁରୁସାହିବଜିତ ସିଂ ଉଭୟ 2ଟି ଲେଖାଏଁ ଗୋଲ୍ ବିପକ୍ଷ ଦଳକୁ ଦେଇଥିଲେ । ଏହାସହ ଗୁରିନ୍ଦର ସିଂ ଓ ଏସ୍ଭି ସୁନୀଲ ମଧ୍ୟ ଦଳ ପାଇଁ ଗୋଟିଏ ଲେଖାଏଁ ଗୋଲ୍ କରିଥିଲେ ।
ଏପଟେ ଅଷ୍ଟ୍ରେଲିଆ ବିପକ୍ଷରେ ଆଜି ସକାଳେ ଭାରତୀୟ ମହିଳା ହକି ଦଳ ମ୍ୟାଚକୁ 2-2 ଗୋଲ୍ରେ ସମାପ୍ତ କରିଛି ।
