କଟକ: ଆଗାମୀ ଜାତୀୟ ହକି ଚମ୍ପିଆନସିପରୁ ଓଡିଶା ହକି ଦଳ ବାଦ ପଡିବା ପ୍ରସଙ୍ଗରେ ମଙ୍ଗଳବାର ହାଇକୋର୍ଟ ଗୁରୁତ୍ବପୂର୍ଣ୍ଣ ଶୁଣାଣି କରିଛନ୍ତି । ଚମ୍ପିଆନସିପରେ ଓଡିଶା ଟିମକୁ ସାମିଲ କରିବା ପାଇଁ ଆୟୋଜକ ହକି ଇଣ୍ଡିଆକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
ତେବେ ଓଡ଼ିଶାର ଉଭୟ ପୁରୁଷ ଓ ମହିଳା ଦଳକୁ ସାମିଲ ଲାଗି କୋର୍ଟ ନିର୍ଦ୍ଦେଶ ଦେଇଛନ୍ତି । ଆସନ୍ତା 25ରୁ ଜାତୀୟ ପୁରୁଷ ହକି ଚମ୍ପିଆନସିପ ଆରମ୍ଭ ହେଉଥିବା ବେଳେ ଜାନୁଆରୀ 30 ତାରିଖରୁ ଜାତୀୟ ମହିଳା ହକି ଚମ୍ପିଆନସିପ ଆରମ୍ଭ ହେବ । ଜଷ୍ଟିସ କେଆର ମହାପାତ୍ରଙ୍କ ବେଞ୍ଚ ମାମଲାର ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି । ଏଥିସହ ଭାରତ ସରକାରଙ୍କ କ୍ରୀଡା ବିଭାଗ, ହକି ଇଣ୍ଡିଆ, ହକି ଇଣ୍ଡିଆର ମହାସଚିବ, ହକି ଇଣ୍ଡିଆର ସିଇଓଙ୍କୁ ନୋଟିସ ଜାରି କରିଛନ୍ତି ହାଇକୋର୍ଟ ।
ସୂଚନାଯୋଗ୍ୟ ଓଡିଶା ହକି ଟିମ ଚମ୍ପିଆନସିପରୁ ବାଦ ପଡିବାରୁ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
