ଟିମ ଇଣ୍ଡିଆର ବିଜୟରୁ ଆରମ୍ଭ ବେଲଜିୟମ ଟୁର

ଭାରତୀୟ ହକି ଦଳ ବେଲଜିୟମକୁ 2-0 ଗୋଲରେ ପରାସ୍ତ କରିଛି । 3 ମ୍ୟାଚ ବିଶିଷ୍ଟ ସିରିଜରେ 1-0ରେ ଆଗୁଆ ହୋଇଛି ଟିମ୍ ଇଣ୍ଡିଆ ।

ହାଇଦ୍ରାବାଦ: ଭାରତୀୟ ହକି ଦଳ ବେଲଜିୟମ ଗସ୍ତରେ ରହିଛି । 3ୟ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚକୁ ଭାରତ 2-0 ଗୋଲରେ ଜିତିନେଇଛି । ଘରୋଇ ଦଳର ଗୋଲ କରିବାର ସମସ୍ତ ଚେଷ୍ଟା ବିଫଳ ହୋଇଥିଲା ।

ଫଟୋ ସୌଜନ୍ୟ: twitter@TheHockeyIndia

ଭାରତ ପକ୍ଷରୁ ମନ୍ଦୀପ ସିଂହ ଓ ଆକାଶଦୀପ ସିଂହ 2ଟି ଗୋଲ ଦେଇ ଦଳକୁ ବିଜୟୀ କରାଇଥିଲେ । ମ୍ୟାଚର ପ୍ରଥମାର୍ଦ୍ଧ ଗୋଲ ଶୂନ୍ୟ ରହିଥିଲା ।

ତେବେ 39 ତମ ମିନିଟରେ ପ୍ରଥମ ଗୋଲ ଦେଇଥିଲେ ଅଭିଜ୍ଞ ଆକାଶଦୀପ । ପରେ 54ତମ ମିନିଟରେ ମନ୍ଦୀପ ଆଉ ଏକ ଗୋଲ କରି ଭାରତର ସ୍କୋର 2-0ରେ ପହଞ୍ଚାଇଥିଲେ । ଫଳରେ 3 ମ୍ୟାଚ ବିଶିଷ୍ଟ ସିରିଜରେ ଭାରତ 1-0ରେ ଆଗୁଆ ହୋଇଛି ।