ଭୁବନେଶ୍ବର: କଳିଙ୍ଗ ଷ୍ଟାଡିୟମରେ ଅଲମ୍ପିକ ଯୋଗ୍ୟତା ପାଇଁ ଅନ୍ତିମ ପର୍ଯ୍ୟାୟ ମ୍ୟାଚ ଖେଳାଯିବ । ପ୍ରଥମଥର ଭାରତୀୟ ମହିଳା ହକି ଦଳ କଳିଙ୍ଗ ଷ୍ଟାଡିୟମରେ ଖେଳିବ । ନଭେମ୍ବର 1 ଓ 2 ଦୁଇଦିନ ମ୍ୟାଚ ଖେଳାଯିବ ।
ସେଥପାଇଁ ମହିଳା ହକି ଟିମ ଇଣ୍ଡିଆ ଜୋରଦାର ପ୍ରସ୍ତୁତି ଚଲାଇଛି । ସନ୍ଧ୍ୟା 6 ଟାରେ ଆରମ୍ଭ ହୋଇଥିବା ଏହି କ୍ୟାମ୍ପରେ ସମସ୍ତ ଖେଳାଳି ଯୋଗ ଦେଇଥିଲେ । କୋଚ ଜୋର୍ଡ ମାରିଜନ ଖେଳାଳିଙ୍କୁ ପ୍ରଥମେ ବିଶେଷ ଟିପସ ଦେଇଛନ୍ତି । ଏଥିସହିତ ଘଣ୍ଟାଏରୁ ଉର୍ଦ୍ଧ୍ବ ସମୟ ଧରି ବିଭିନ୍ନ ଖେଳାଳି ମାନେ ଅଭ୍ୟାସ କରିଛନ୍ତି ।
ଭାରତୀୟ ଟିମ ପକ୍ଷରୁ ଆୟୋଜିତ ବିଶେଷ ଟ୍ରେନିଂ କ୍ୟାମ୍ପରେ ମହିଳା ଦଳ ପ୍ରଥମେ ପ୍ରସ୍ତୁତି କରିଛି । ପୁରୁଷ ଟିମ ମଧ୍ୟ ଓଡିଶା ପହଞ୍ଚିବା ପରେ କ୍ୟାମ୍ପରେ ଅଭ୍ୟାସ କରିବ ବୋଲି ସୂଚନା ରହିଛି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
