ଭୁବନେଶ୍ବର: ପ୍ରଥମ ଦଳ ଭାବେ FIH ପୁରୁଷ ହକି ସିରିଜ ଫାଇନାଲରେ ପ୍ରବେଶ କରିଛି ଦକ୍ଷିଣ ଆଫ୍ରିକା । ପ୍ରଥମ ସେମିଫାଇନାଲରେ ଆମେରିକାକୁ 1-2 ଗୋଲରେ ହରାଇଛି ଦକ୍ଷିଣ ଆଫ୍ରିକା ।
ମ୍ୟାଚରେ ପ୍ରଥମ ଗୋଲ ଆମେରିକା କରିଥିଲା । ଆମେରିକା ପକ୍ଷରୁ ମ୍ୟାଚର 15ତମ ମିନିଟରେ ଆକି କେପଲର ଗୋଲ କରିଥିଲେ । ମ୍ୟାଚର 42ତମ ମିନିଟ ପର୍ଯ୍ୟନ୍ତ ଆମୋରିକା 1-0ରେ ଆଗୁଆ ଥିଲା । ତେବେ 42ତମ ମିନିଟରେ ଦକ୍ଷିଣ ଆଫ୍ରିକାର ଅଷ୍ଟିନ ସ୍ମିଥ ଦଳ ପାଇଁ ପ୍ରଥମ ଗୋଲ କରି ସ୍କୋର ବରାବର କରିଥିଲେ । ପରେ ଆମେରିକା ଘନଘନ ଆକ୍ରମଣ କରିଥିଲା କିନ୍ତୁ ଗୋଲ କରିବାରେ ସଫଳ ହୋଇନଥିଲା ।
ମ୍ୟାଚର ଶେଷ ମିନିଟରେ ନିକୋଲାସ ସ୍ପୁନର ଏକ ଆକର୍ଷଣୀୟ ଗୋଲ ଦେଇ ଶେଷ ମୂହୂର୍ତ୍ତରେ ଦକ୍ଷିଣ ଆଫ୍ରିକାକୁ ବିଜୟୀ କରାଇଥିଲେ ।
ଦ୍ବିତୀୟ ସେମିଫାଇନାଲ ଭାରତ ଜାପାନ ମଧ୍ୟରେ ଲଢେଇ ହେବ । ବିଜୟୀ ଦଳ ଦକ୍ଷିଣ ଆଫ୍ରିକା ସହ ଫାଇନାଲ ଖେଳିବ ।
