ଭିଲାରେଲ: ବାର୍ସେଲୋନା ସଭାପତି ଜୋସେଫ ମାରିୟା ବାର୍ଟମେୟୁଙ୍କ ବଡ ଅଭିଯୋଗ । ଚଳିତ ଲା ଲିଗା ପଏଣ୍ଟ ଟେବୁଲର ଶୀର୍ଷ ସ୍ଥାନରେ ଥିବା, ରିୟଲ ମାଦ୍ରିଦ ଟିମକୁ ଭିଡିଓ ଆସିଷ୍ଟାଣ୍ଟ ରେଫ୍ରୀ(VAR)ଙ୍କ ସମର୍ଥନ ଥିବା ସେ ଅଭିଯୋଗ କରିଛନ୍ତି ।
ରବିବାର ଖେଳାଯାଇଥିବା ମ୍ୟାଚରେ ବାର୍ସେଲୋନା ଭିଲାରକୁ 4-1 ଗୋଲରେ ପରାସ୍ତ କରିଛି । ତେବେ ଅନ୍ୟଏକ ମ୍ୟାଚ ରିୟଲ ମାଦ୍ରିଦ ଓ ଆଥଲେଟିକୋ କ୍ଳବ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ରିୟଲ ମାଦ୍ରିଦ ଆଥଲେଟିକୋକୁ 1-0 ଗୋଲରେ ପରାସ୍ତ କରିଥିଲା । ତେବେ ଏହି ମ୍ୟାଚ ଦେଖିବା ପରେ ଭିଡିଓ ରେଫ୍ରୀଙ୍କ ବିରୁଦ୍ଧରେ ଅଭିଯୋଗ ଆଣିଛନ୍ତି ବାର୍ସେଲୋନା ସଭାପତି ।
ଜୋସେଫ ମାରିୟା କହିଛନ୍ତି, ମହାମାରୀ କୋରୋନା ଭାଇରସ ପରେ ଏହି ଲିଗ ଖେଳାଯାଉଛି । ବିଶ୍ବର ଅନ୍ୟତମ ଶ୍ରେଷ୍ଠ ଫୁଟବଲ ଲିଗ ଲା ଲିଗା । ମାତ୍ର ମ୍ୟାଚକୁ ଶେଷ ପର୍ଯ୍ୟନ୍ତ ଦେଖିବା ପରେ ଏହା ଏହାମନେ ହେଲା, ମ୍ୟାଚରେ ଏକାଧିକ ବାର କିଛି ନିଷ୍ପତି ଗୋଟିଏ ଟିମ ସପକ୍ଷରେ ଯାଉଥିଲା, ଯାହା ଉଚିତ ନୁହେଁ ।
ମ୍ୟାଚରେ 75ତମ ମିନିଟ ପର୍ଯ୍ୟନ୍ତ ଉଭୟ ଟିମ ଗୋଲ ଶୂନ୍ୟ ରହିଥିଲେ । ମାତ୍ର 76ତମ ମିନିଟରେ ଭିଡିଓ ରେଫ୍ରୀ ପିଚ୍ ସାଇଡ ଦେଖି ରିୟଲ ମାଦ୍ରିଦକୁ ପେନାଲିଟ କର୍ଣ୍ଣର ପ୍ରଦାନ କରିଥିଲେ । ଏଥିସହିତ ଆଥଲେଟିକୋ ମଧ୍ୟ ଏକ ନିଶ୍ଚିନ୍ତ ଗୋଲ ସୁଯୋଗ ହାତଛଡା କରି ଦୁର୍ଭାଗ୍ୟଜନକ ଭାବେ ବିଜୟରୁ ବଞ୍ଚିତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
