ଅନୁଗୋଳ: ଟାଟାଷ୍ଟିଲ ପକ୍ଷରୁ ଆୟୋଜିତ ମିଡ଼ିଆ କପ ଫୁଟବଲ ଟୁର୍ଣ୍ଣାମେଣ୍ଟରେ ସୁକିନ୍ଦା ମିଡ଼ିଆ ଏକାଦଶ ଚମ୍ପିଆନ ହୋଇଛି । ସ୍ଥାନୀୟ କଳିଙ୍ଗନଗର ଟାଟା ଷ୍ଟିଲ ସ୍ପୋଟ୍ସ କମ୍ପ୍ଳେକ୍ସ ପଡ଼ିଆରେ ଏହି ଟୁର୍ଣ୍ଣାମେଣ୍ଟ ଖେଳାଯାଇଥିଲା । ଫାଇନାଲ୍ ମ୍ୟାଚରେ ବ୍ୟାସନଗର ମିଡ଼ିଆ ଏକାଦଶକୁ ୪-୦ ଗୋଲରେ ହରାଇ, ଟାଟାଷ୍ଟିଲ ମିଡ଼ିଆ ଫୁଟବଲର କପର ପ୍ରଥମ ସଂସ୍କରଣର ଚମ୍ପିଆନ ଆଖ୍ୟା ଅର୍ଜନ ସୁକିନ୍ଦା ଏକାଦଶ ।
ଯାଜପୁରରୋଡ଼ର ଗଣମାଧ୍ୟମ ପ୍ରତିନିଧିଙ୍କୁ ନେଇ ଗଠିତ ବ୍ୟାସନଗର ମିଡ଼ିଆ ଏକାଦଶ ରନର୍ସ ଅପ ହୋଇଛି ।ଏହା ପୂର୍ବରୁ ଆୟୋଜିତ ପ୍ରଥମ ସେମିଫାଇନାଲରେ ସୁକିନ୍ଦା ଏକାଦଶ ୪-୦ ଗୋଲରେ ଯାଜପୁର ଟାଉନ୍ ଏକାଦଶକୁ ପରାଜିତ କରିଥିଲା । ସେହିପରି ଦ୍ବିତୀୟ ସେମିଫାଇନାଲରେ ବ୍ୟାସନଗର ଏକାଦଶ ଓ କଳିଙ୍ଗନଗର ଏକାଦଶ ନିର୍ଦ୍ଧାରିତ ସମୟ ମଧ୍ୟରେ କୌଣସି ଗୋଲ୍ କରି ପାରିନଥିଲେ ।ଶେଷରେ ଟାଏ ବ୍ରେକରରେ ବ୍ୟାସନଗର ଏକାଦଶ ୩-୦ ଗୋଲରେ ବିଜୟୀ ହୋଇଥିଲା ।
ଟାଟାଷ୍ଟିଲ କଳିଙ୍ଗନଗର ଅପରେସନ୍ସ ବିଭାଗ ଉପ-ସଭାପତି ରାଜୀବ କୁମାର ଟୁର୍ଣ୍ଣାମେଣ୍ଟର ଉଦ୍ଘାଟନ କରିଥିଲେ । ଟାଟା କଂପାନିର ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ ।
ଅନୁଗୋଳରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
