ଭୁବନେଶ୍ବର: ରବିବାର ହାଇଭୋଲ୍ଟେଜ୍ ଫୁଟବଲ ମ୍ୟାଚରେ ପରାଜିତ ହୋଇଛି ରାଜ୍ୟର ମନ୍ତ୍ରୀମାନଙ୍କୁ ନେଇ ଗଠିତ ଲିଡର୍ସ ଏକାଦଶ । ଫାଇନାଲ ମ୍ୟାଚରେ ଲିଡର୍ସ ଏକାଦଶକୁ 3-0 ଗୋଲରେ ହରାଇ ଚମ୍ପିଆନ ହୋଇଛି ଟାଟା ଷ୍ଟିଲ ଏକାଦଶ । ସ୍ଥାନୀୟ କଳିଙ୍ଗ ଷ୍ଟାଡିୟମରେ ଖେଳାଯାଇଛି ଏହି ବନ୍ଧୁତ୍ବପୂର୍ଣ୍ଣ ଫୁଟବଲ ମ୍ୟାଚ ।
ତେବେ ଆଜିର ପ୍ରାରମ୍ଭିକ ମ୍ୟାଚରେ ମିଡିଆ ଏକାଦଶକୁ ସାମ୍ନା କରିଥିଲ ଲିଡର୍ସ ଏକାଦଶ । ଲିଡର୍ସ ଏକାଦଶର ଖେଳାଳି ତଥା କୃଷିମନ୍ତ୍ରୀ ଅରୁଣ ସାହୁ ଦଳ ପକ୍ଷରୁ ସର୍ବାଧିକ ୨ଟି ଗୋଲ ଦେଇଥିଲେ । ସେହିପରି ପ୍ରଭୁ ଜୈନ ଗୋଟିଏ ଗୋଲ ଦେଇଥିଲେ । ବଦଳରେ ମିଡିଆ ଏକାଦଶର ବିକାଶ ମାରାଣ୍ଡି ଦୁଇଟି ଗୋଲ ଦେଇଥିଲେ । ଫଳରେ 3-2ଗୋଲରେ ମ୍ୟାଚ ହାତେଇ ଥିଲା ଲିଡର୍ସ ଏକାଦଶ ।
ସେହିପରି 2ୟ ମ୍ୟାଚରେ ବ୍ୟୁରୋକାର୍ଟ ଏକାଦଶକୁ ଟାଟାଷ୍ଟିଲ ଏକାଦଶ 11-1 ଗୋଲରେ ହରାଇଥିଲା । ଫଳରେ ଉଭୟ ବିଜୟୀ( ଲିଡର୍ସ ଏକାଦଶ ଓ ଟାଟା ଷ୍ଟିଲ ଏକଦାଶ) ଫାଇନାଲରେ ମୁହାଁମୁହିଁ ହୋଇଥିଲେ । ତେବେ ବେଷ୍ଟ ଗୋଲକିପର ଜଗନ୍ନାଥ ନାୟକ, ଫାଷ୍ଟ ପ୍ଲେୟାର ସାଶ୍ବତ ମିଶ୍ର, ବେଷ୍ଟ ହାଫ ଅରୁଣ ସାହୁଙ୍କୁ ପୁରସ୍କୃତ କରାଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
