ଭୁବନେଶ୍ବର: ଓଡିଶା କ୍ରୀଡା ଜଗତ ପାଇଁ ଆଉ ଏକ ସଫଳ ଦିନ ଆସିଛି । ଓଡିଶାକୁ କ୍ରୀଡା କ୍ଷେତ୍ରରେ ସର୍ବୋଚ୍ଚ ସ୍ତରକୁ ନେବାପାଇଁ ଆଉ ଏକ ସଫଳ ପଦକ୍ଷେପ ନେଇଛନ୍ତି ରାଜ୍ୟ ସରକାର । ଏବେ ଓଡିଶା କ୍ରୀଡାପ୍ରେମୀ ନିଜ ଟିମକୁ ଉତ୍ସାହିତ କରିବେ । ଓଡିଶାର ହେବ ନିଜର ଫୁଟବଲ ଟିମ । ଯାହାର ନାମ ରହିଛି OdishaFC ।
ଆସନ୍ତା ଇଣ୍ଡିଆନ ସୁପର ଲିଗ(ଫୁଟବଲ)ରେ ଡେବ୍ୟୁ କରିବ ଓଡିଶାର ଫୁଟବଲ ଟିମ OdishaFC । ସେଥିପାଇଁ ଆଜି ଇଣ୍ଡିଆନ ସୁପର ଲିଗ ଫୁଟବଲ କ୍ଳବ ଓ OdishaFC ମଧ୍ୟରେ ଏମଓୟୁ ସ୍ବାକ୍ଷରିତ ହୋଇଛି । ଓଡିଶା ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଏହି ଏମଓୟୁ ସ୍ବାକ୍ଷରିତ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
