ହାଇଦ୍ରାବାଦ: ଓଡିଶା ଏଫ୍ସିର ଷ୍ଟାର ଖେଳାଳି ଅରିଡେନ ସାନଟାନା ଆହତ ହୋଇଛନ୍ତି । ଫଳରେ ସେ ଚଳିତ ସିଜନରେ ଆଉ ଦଳ ପକ୍ଷରୁ ଖେଳି ପାରିବେ ନାହିଁ । ସୂଚନାଥାଉକି ସେ ପୂର୍ବ ମ୍ୟାଚରେ ବେଙ୍ଗାଲୁରୁ ବିପକ୍ଷରେ ଖେଳୁଥିବା ସମୟରେ ଆହତ ହୋଇଥିଲେ ।
ଦଳରେ ସାନଟାନାଙ୍କ ଅନୁପସ୍ଥିତି ବେଶ୍ ପରିଲକ୍ଷିତ ହେବ । ସେ ଚଳିତ ସିଜନ୍ରେ 14ଟି ମ୍ୟାଚ ଖେଳି 9ଟି ଗୋଲ୍ କରି କରିଛନ୍ତି । ତେବେ ସାନଟାନା ଆହତ ହୋଇ ଚଳିତ ସିଜନ ଆଇଏସଏଲରୁ ବାଦ୍ ପଡିବା ଦୁର୍ଭାଗ୍ୟଜନକ ବୋଲି କ୍ଲବର ମୁଖ୍ୟ କୋଚ କହିଛନ୍ତି ।
ସୂଚନାଥାଉକି, ଓଡିଶା ଏଫ୍ସି ଚଳିତ ସିଜନରେ ନୂଆ କରି ପଦାର୍ପଣ କରିଛି । ଓଡିଶା ନିଜର ଦମ୍ଦାର ପ୍ରଦର୍ଶନ ଫଳରେ ପଏଣ୍ଟ ଟେବୁଲର ଟପ୍-4ରେ ସ୍ଥାନ ପାଇଛି ।
ବୁଧବାର ଦିନ ଓଡିଶା ନିଜର ଘରୋଇ ଗ୍ରାଉଣ୍ଡରେ ଗୋଆକୁ ଭେଟିବ ।
