କୋଲକାତା: ଏଫସି ଗୋଆ ତୃତୀୟ ଟିମ ଭାବେ ୧୩୦ତମ ଦୁରନ୍ଦ କପ ଫୁଟବଲ ଟୁର୍ଣ୍ଣାମେଣ୍ଟର କ୍ବାର୍ଟର-ଫାଇନାଲରେ ପ୍ରବେଶ କରିଛି । ସୁଦେବା ଦିଲ୍ଲୀ ଏଫସିକୁ ୨-୧ରେ ହରାଇବା ପରେ କ୍ବାର୍ଟର ଟିକେଟ ହାତେଇଛି ଗୋଆ । ସୋମବାର କୋଲକାତାର ବିବେକାନନ୍ଦ ଯୁବ ଭାରତୀ କ୍ରିରଙ୍ଗନ(VYBK)ରେ ଗୋଆ ପକ୍ଷରୁ ମୁହମ୍ମଦ ନେମିଲ ଓ ସ୍ପାନିଆର୍ଡ ଜର୍ଜ ଅର୍ଟିଜ ମେଣ୍ଡୋଜା ଗୋଲ୍ ସ୍କୋର କରିଥିଲେ । ଅନ୍ୟପଟେ ସୁଦେବା ପାଇଁ ପେନାଲିଟି ଗୋଲ୍ ସ୍କୋର କରିଥିଲେ ୱିଲିଅମ ।
ଗ୍ରୁପ ବି'ର ଏହି ମ୍ୟାଚ୍ରେ ଗୋଆ ଓ ଦିଲ୍ଲୀ ମୁହାଁମୁହିଁ ହୋଇଥିଲେ । ଗୋଆ ଶତ ପ୍ରତିଶତ ବିଜୟ ରେକର୍ଡ ବଜାୟ ରଖିଥିବାବେଳେ, ଦିଲ୍ଲୀ ବିଫଳ ହୋଇଥିଲା ।
ମେଘୁଆ ପାଗରେ ଏହି ମ୍ୟାଚ ଖେଳାଯାଇଥିଲା, ତେବେ ମ୍ୟାଚ୍ର ଦ୍ବିତୀୟାର୍ଦ୍ଧରେ ପ୍ରବଳ ବର୍ଷା ହୋଇଥିଲା । ମ୍ୟାଚ ସଂପୂର୍ଣ୍ଣ ପାଇଁ VYBK ପଡିଆର ଲାଇଟ୍ର ସାହାରା ନିଆଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
