ଲଣ୍ଡନ: ଇଂଲିସ ପ୍ରିମିୟର ଲିଗ କ୍ଲବ ଆର୍ସେନାଲର ଜଣେ ଖେଳାଳି କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଇଂଲଣ୍ଡ ଗଣମାଧ୍ୟମର ରିପୋର୍ଟ ଅନୁଯାୟୀ ମାଞ୍ଚେଷ୍ଟର ସିଟି ବିପକ୍ଷ ମ୍ୟାଚ ପୂର୍ବରୁ ଆର୍ସେନାଲ ଖେଳାଳିଙ୍କ ରିପୋର୍ଟ ପଜିଟିଭ ଥିବା ଜଣାପଡିଥିଲା । ଏହାପରେ ତାଙ୍କୁ ତୁରନ୍ତ ସେଲ୍ଫ-ଆଇସୋଲେସନରେ ରଖାଯାଇଛି ।
ରିପୋର୍ଟ ପଜିଟିଭ ଥିବା ଖେଳାଳିଙ୍କ ନାମ ସାର୍ବଜନୀନ କରାଯାଇନାହିଁ । ତେବେ କ୍ଲବର ଅନ୍ୟ ଦୁଇଜଣ ଖେଳାଳିଙ୍କ ସଂସ୍ପର୍ଶରେ ଆସିଥିବା ଜଣାପଡିବା ପରେ ବାଧ୍ୟତାମୂଳକ କ୍ବାରେଣ୍ଟିନରେ ରହିବାକୁ କୁହାଯାଇଛି । କ୍ଲବର ଅନ୍ୟ 3 ଷ୍ଟାର ସିନିୟର ଖେଳାଳି ମଧ୍ୟ ଅଭ୍ୟାସ ସମୟରେ ଅନୁପସ୍ଥିତ ରହିଥିଲେ । ତେବେ ସେମାନଙ୍କ ଟେଷ୍ଟ ରିପୋର୍ଟ ନେଗେଟିଭ ଆସିବା ପରେ ଟିମରେ ଯୋଗ ଦେଇଥିଲେ ।
ଆର୍ସେନାଲ ଖରାପ ପ୍ରଦର୍ଶନ ସହ 0-3 ଗୋଲରେ ମାଞ୍ଚେଷ୍ଟର ସିଟି ଠାରୁ ପରାଜିତ ହୋଇଛି ।
