ଲଣ୍ଡନ: ଭାରତରୁ ବିମାନ ଯାତ୍ରା ଉପରେ ୟୁକେ ରୋକ ଲଗାଇବା ପରେ ବିଶ୍ବ ଟେଷ୍ଟ ଚମ୍ପିଆନସିପ୍ ଫାଇନାଲ ପ୍ରଭାବିତ ହେବା ଆଶଙ୍କା ରହିଥିଲା । ମାତ୍ର ଏନେଇ ସ୍ପଷ୍ଟିକରଣ ରଖିଛି ଅନ୍ତର୍ଜାତୀୟ କ୍ରିକେଟ ପରିଷଦ । ବିମାନ ଯାତ୍ରା ଉପରେ ୟୁକେର କଟକଣା ସତ୍ତ୍ବେ, ଭାରତ ଓ ନ୍ୟୁଜିଲାଣ୍ଡରେ ଖେଳାଯିବାକୁ ଥିବା ବିଶ୍ବ ଟେଷ୍ଟ ଚମ୍ପିଆନସିପ୍ ପ୍ରଭାବିତ ହେବ ନାହିଁ କହିଛି ଆଇସିସି ।
ଏହି ମେଗା ଫାଇନାଲ ମ୍ୟାଚ ଜୁନ 18ରୁ 22 ଏଜେସ ବାୱଲ ସାଉଥାମ୍ପଟନରେ ଖେଳାଯିବା ନେଇ ସୂଚୀ ରହିଛି ।
ଭାରତରେ କୋଭିଡ-19 ସଂକ୍ରମିତଙ୍କ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ୟୁକେ 'ରେଡ୍ ଲିଷ୍ଟ'ରେ ରଖିଛି । ତେବେ ଏନେଇ ୟୁକେ ସରକାରଙ୍କ ସହ ଆଇସିସିର ଆଲୋଚନା ଚାଲିଥିବା କହିଛନ୍ତି ଆଇସିସି ମୁଖପାତ୍ର ।
ବ୍ୟୁରୋ ରିପୋର୍ଟ, ଇଟିଭି ଭାରତ
