ଦୁବାଇ: ମହିଳା ଟି-ଟ୍ବେଣ୍ଟି ବିଶ୍ବକପ 2023 ପାଇଁ କ୍ରୀଡାସୂଚୀ ଘୋଷଣା ହୋଇଛି । ଦକ୍ଷିଣ ଆଫ୍ରିକାରେ ଏହି ମର୍ଯ୍ୟାଦାଜନକ ଟି-ଟ୍ବେଣ୍ଟି କ୍ରିକେଟ ଫର୍ମାଟ ଫେବ୍ରୃଆରୀ 10ରୁ ଆରମ୍ଭ ହୋଇ 26ରେ ଶେଷ ହେବ । ଏଥିରେ 10ଟି ଦଳ 2ଟି ଗ୍ରୁପରେ ଭାଗ ନେବେ । ପାରମ୍ପରିକ ପ୍ରତିନ୍ଦ୍ବନ୍ଦୀ ପାକିସ୍ତାନ ବିପକ୍ଷରେ ପ୍ରଥମ ମୁକାବିଲା ଖେଳି ଭାରତ ତାର ଅଭିଯାନ ଆରମ୍ଭ କରିବ । ଫେବୃଆରୀ 12ତାରିଖରେ ଭାରତ ପାକିସ୍ତାନ ମ୍ୟାଚ ଖେଳାଯିବ । ଭାରତ ଗ୍ରୁପ 2ରେ ରହିଛି ।
ଗ୍ରୁପ-1ରେ ଡିଫେଣ୍ଡିଂ ଚାମ୍ପିଅନ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଦକ୍ଷିଣ ଆଫ୍ରିକା, ଶ୍ରୀଲଙ୍କା ଓ ବାଂଲାଦେଶ ସ୍ଥାନ ପାଇଛନ୍ତି । ସେହିପରି ଗ୍ରୁପ-2ରେ ଭାରତ, ପାକିସ୍ତାନ, ୱେଷ୍ଟଇଣ୍ଡିଜ ଏବଂ ଆୟର୍ଲାଣ୍ଡ ଦଳ ରହିଛନ୍ତି । ପ୍ରଥମ ଦିନରେ ଦକ୍ଷିଣ ଆଫ୍ରିକା ଓ ଶ୍ରୀଲଙ୍କା ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବ । 12 ତାରିଖରେ ଭାରତ ଓ ପାକିସ୍ତାନ ମଧ୍ୟରେ ଟକ୍କର ହେବ । ଏହାପରେ 15ରେ ୱେଷ୍ଟଇଣ୍ଡିଜ, 18ରେ ଇଂଲଣ୍ଡ ଏବଂ 20ରେ ଆୟର୍ଲାଣ୍ଡ ବିପକ୍ଷରେ ଖେଳିବ ଭାରତ । ଗ୍ରୁପ ପର୍ଯ୍ୟାୟ 21 ତାରିଖରେ ଶେଷ ହେବ । ଏହାପରେ 23 ଓ 24 ତାରିଖରେ ସେମିଫାଇନାଲ ଏବଂ 26ରେ ଫାଇନାଲ ଖେଳାଯିବ ।
ଏହା ବି ପଢନ୍ତୁ... Women Asia Cup: ଭାରତର ଲଗାତାର ଦ୍ବିତୀୟ ବିଜୟ, 30 ରନରେ ହାରିଲା ମାଲେସିଆ
ବର୍ତ୍ତମାନ ମହିଳା ଏସିଆ କପ୍ ଚାଲିଛି । ଭାରତୀୟ ମହିଳା ଦଳର ଦମଦାର ପ୍ରଦର୍ଶନ ରହିଛି । ଲଗାତାର ଦ୍ବିତୀୟ ବିଜୟ ସହ 4 ପଏଣ୍ଟ ପାଇ ଟେବୁଲର ଦ୍ବିତୀୟ ସ୍ଥାନରେ ରିହଛି । ପ୍ରଥମ ମୁକାବିଲାରେ ଶ୍ରୀଲଙ୍କା ଓ ଦ୍ବିତୀୟ ମୁକାବିଲାରେ ମାଲେସିଆକୁ ହରାଇଛି ଭାରତ । ଅକ୍ଟୋବର 7 ତାରିଖରେ ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନକୁ ଭେଟିବ ଭାରତ ।
