ବ୍ରିଷ୍ଟଲ୍: ଭାରତ ଓ ଇଂଲଣ୍ଡ ମହିଳା ଟିମ ମଧ୍ୟରେ ଖେଳାଯାଉଥିବା ଏକମାତ୍ର ଟେଷ୍ଟରେ ଭ୍ରମଣକାରୀ ଟିମର ସଂଘର୍ଷ ଜାରି ରହିଛି । ଇଂଲଣ୍ଡ ଠାରୁ ଫଲୋଅନ ମିଳିବା ପରେ ଦ୍ବିତୀୟ ଇଂନିସ ବ୍ୟାଟିଂ ଜାରି ରଖିଛି ଭାରତ । ଲଞ୍ଚ୍ ସୁଦ୍ଧା ଭାରତର ଦ୍ବିତୀୟ ଇଂନିସ ସ୍କୋର 29/1 ରହିଛି ମାତ୍ର ଏବେବି 136 ରନ୍ ପଛରେ ରହିଛି । ଓପନର ସ୍ମୃତି ମାନ୍ଧାନାଙ୍କ ୱିକେଟ ଶୀଘ୍ର ହରାଇଛି ।
ବାମହାତୀ ସ୍ପିନର ସୋଫି ଏକଲେଷ୍ଟୋନଙ୍କ 4ଟି ୱିକେଟ ଅକ୍ତିଆର କରିବା ପରେ ଭାରତ 231 ରନରେ ଅଲଆଉଟ୍ ହୋଇଥିଲା । ଫଳରେ ଘରୋଇ ଟିମ୍କୁ 165 ରନ୍ର ପ୍ରଥମ ଇଂନିସ ଅଗ୍ରଣୀ ମିଳିଥିଲା । ଏଥିସହ ଇଂଲଣ୍ଡ ଫଲୋଅନ ଦେବା ସହ ଭାରତକୁ ବ୍ୟାଟିଂ ଆମନ୍ତ୍ରଣ କରିଛି ।
ଓପନିଂରେ ଯୋଡିରେ ଦୁଇ ଭାରତୀୟ ଓପନର ଶେଫାଳ ବର୍ମା ଓ ସ୍ମୃତି ମାନ୍ଧାନା ଦମଦାର ଭାଗିଦାରୀ ସହ 167 ରନ୍ ଯୋଡିଥିଲେ । ଶେଫାଳି 96 ଓ ସ୍ମୃତି 78 ରନରେ ଆଉଟ ହୋଇଥିଲେ । ଏହାପରେ ମାତ୍ର 16 ରନ୍ ମଧ୍ୟରେ 5ଟି ୱିକେଟ ହରାଇ ବିପର୍ଯ୍ୟୟ ସାମ୍ନା କରିଥିଲା ଭାରତ । ଦ୍ବିତୀୟ ଦିନର ଷ୍ଟମ୍ପ ଅପସାରଣ ସୁଦ୍ଧା 187 ରନରେ 5 ୱିକେଟ ହରାଇଥିଲା ଭ୍ରମଣକାରୀ ଦଳ ।
ପରେ ତୃତୀୟ ଦିନରେ ଅସମାପ୍ତ ସ୍କୋର୍ରୁ ଖେଳ ଆରମ୍ଭ କରିଥିବା ଭାରତ ବିନା କୌଣସି ରନ୍ରେ ହରମନପ୍ରୀତ କୌର ଓ ତାନିଆ ଭାଟିଆଙ୍କୁ ୱିକେଟ ହରାଇବା ପରେ ସଙ୍କଟରେ ପଡିଥିଲା । ଫଲୋଅନ ଏଡାଇବାକୁ ଶେଷକ୍ରମ ଖେଳାଳି ସମସ୍ତ ପ୍ରୟାସ କରିଥିଲେ ମଧ୍ୟ ସଫଳ ହୋଇନଥିଲେ । ସ୍ନେହ ରାଣା ମଧ୍ୟ ଶୀଘ୍ର ଆଉଟ ହୋଇଥିଲେ । ପରେ ନବମ ୱିକେଟ ଯୋଡିରେ 33 ରନ୍ ଯୋଡିଥିଲେ ପୂଜା ବସ୍ତ୍ରକର ଓ ଦିପ୍ତୀ ଶର୍ମା ।
ଇଂଲଣ୍ଡ କ୍ୟାପଟେନ ହେଥର ନାଇଟ ଦୁଇଟି ୱିକେଟ ହାସଲ କରିବାପରେ ମୋଟ ଜଣ ଭାରତୀୟ ଖେଳାଳିଙ୍କୁ ସ୍ପିନ ବୋଲିଂର ଶିକାର ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
