କଲମ୍ବୋ: ଶ୍ରୀଲଙ୍କା ମହିଳା କ୍ରିକେଟ ଟିମର ମୁଖ୍ୟ କୋଚ ହେଲେ ପୂର୍ବତନ କ୍ରିକେଟର ହସନ ତିଲକରତନେ । ଶ୍ରୀଲଙ୍କା କ୍ରିକେଟ ବୋର୍ଡ(SLC) ତିଲକରତନେଙ୍କୁ ମହିଳା ଟିମ୍ର ମୁଖ୍ୟ କୋଚ ନିଯୁକ୍ତ କରିଛି ।
1996 ବିଶ୍ବକପ ବିଜୟୀ ଶ୍ରୀଲଙ୍କା ଟିମ୍ର ସଦସ୍ୟ ରହିଥିଲେ ତିଲକରତନେ । ପୂର୍ବରୁ ତାଙ୍କର ଶ୍ରୀଲଙ୍କା କ୍ରିକେଟ ଟ୍ରେନିଂ ଡିଭିଜନ ଅନ୍ତର୍ଗତ ଏକାଧିକ ସ୍ଥାନରେ କୋଚ ଦାୟିତ୍ବ ତୁଲାଇବାର ଅଭିଜ୍ଞତା ରହିଛି ।
19ବର୍ଷରୁ କମ ୟୁଥ ଟିମ୍ର ମୁଖ୍ୟ କୋଚ ଓ ଶ୍ରୀଲଙ୍କା ଏମର୍ଜିଂ ଟିମର ବ୍ୟାଟିଂ କୋଚ୍ ମଧ୍ୟ ରହିସାରିଛନ୍ତି ।
ଗତବର୍ଷ ଶ୍ରୀଲଙ୍କା ପ୍ରିମିୟର ଲିଗର କ୍ୟାଣ୍ଡି ଟସ୍କର୍ସ ଟିମର ମୁଖ୍ୟ କୋଚ ମଧ୍ୟ ରହିଥିଲେ 53 ବର୍ଷୀୟ ତିଲକରତନେ ।
ଶ୍ରୀଲଙ୍କା ପକ୍ଷରୁ ସେ 83ଟି ଟେଷ୍ଟରୁ 4,500ରୁ ଅଧିକ ରନ ସଂଗ୍ରହ କରିଛନ୍ତି । ଅପରାଜିତ 204 ରନର ଇଂନିସ ତାଙ୍କର ଶ୍ରେଷ୍ଠ ପ୍ରଦର୍ଶନ । ବର୍ଷ 2005ରେ ଦେଶର କ୍ରିକେଟ ବୋର୍ଡର ସେ ନିର୍ଦ୍ଦେଶକ ନିଯୁକ୍ତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
