ସିଡନୀ: କ୍ରିକେଟରଙ୍କ ନାମରେ ଦୁଷ୍କର୍ମ ଅଭିଯୋଗ । ଅଷ୍ଟ୍ରେଲିଆର ମେଲବୋର୍ଣ୍ଣରେ ଚାଲିଥିବା ଟି ଟ୍ବେଣ୍ଟି ବିଶ୍ବ କପରେ ଏକ ଲଲ୍ୟାନଜକ ଖବର ସାମ୍ନାକୁ ଆସିଥି । ଟି-ଟ୍ବେଣ୍ଟି ବିଶ୍ବକପ ଖେଳିବାକୁ ଅଷ୍ଟ୍ରଲିଆ ଆସିଥିବା ଶ୍ରୀଲଙ୍କାର ଜଣେ କ୍ରିକେଟର ଗିରଫ ହୋଇଛନ୍ତି । ଦୁଷ୍କର୍ମ ଅଭିଯୋଗରେ ଶ୍ରୀଲଙ୍କା କ୍ରିକେଟର ଦନୁଷ୍କା ଗୁଣତିଲକଙ୍କୁ ସିଡନୀ ପୋଲିସ ଗିରଫ କରିଛି ।
ଶ୍ରୀଲଙ୍କା କ୍ରିକେଟ (SLC) ସୂଚନା ଅନୁସାରେ ଜଣେ ମହିଳା ଦନୁଷ୍କା ଗୁଣତିଲକଙ୍କ ନାମରେ ଦୁଷ୍କର୍ମ ଅଭିଯୋଗ ଅଣିଛନ୍ତି । ତାଙ୍କ ଅଭିଯୋଗ ଆଧାରରେ କାର୍ଯ୍ୟନୁଷ୍ଠାନ ଗ୍ରହଣ କରିଛନ୍ତି । 31 ବର୍ଷୀୟ ଦନୁଷ୍କାଙ୍କୁ ସିଡନୀ ପୋଲିସ ଗିରଫ କରିଛି । ଚଳିତ ଟି-ଟ୍ବେଣ୍ଟି ବିଶ୍ବକପର ସୁପର 12 ପର୍ଯ୍ୟାୟରେ ସ୍ଥାନ ବନାଇଥିଲା ଶ୍ରୀଲଙ୍କା । ଗ୍ରୁପ ଏ ଦଳ ତାର ଶେଷ ମ୍ୟାଚ ଇଂଲଣ୍ଡ ସହ ଖେଳିଥିଲା । ଏହି ମ୍ୟାଚରେ ଦନୁଷ୍କା ଦଳରେ ଥିଲେ । ଇଂଲଣ୍ଡ ବିପକ୍ଷ ମ୍ୟାଚରେ ଦଳ ପରାସ୍ତ ହୋଇଥିଲା । ଏହା ପରେ ପୋଲିସ ଦନୁଷ୍କାଙ୍କୁ ଗିରଫ କରିଛି । ଅନଲାଇନ ଡେଟିଂ ଅପଲିକେସନ ଜରିଆରେ ମହିଲା ଜଣଙ୍କ ଜଣେ ବ୍ୟକ୍ତିଙ୍କ ସହ କଥା ହୋଇଥିଲେ । ବ୍ୟକ୍ତି ଜଣଙ୍କ ତାଙ୍କୁ ଅସଦାଚରଣ କରିଥିବା ଅଭିଯୋଗ କରିଥିଲେ ମହିଳା। ନଭେମ୍ବର 2 ତାରିଖରେ ଅଭିଯୋଗ ହୋଇଥିଲା ।
ଏହା ବି ପଢନ୍ତୁ...Syed Mushtaq Ali Trophy: ପ୍ରଥମ ଥର ଟ୍ରଫି ଜିତିଲା ମୁମ୍ବାଇ
ଏହି ପରାଜୟ ସହ ଦଳ ସେମି ଫାଇନାଲରେ ପ୍ରବେଶ କରି ପାରିନାହିଁ । ବିଶ୍ବକପରୁ ବିଦା ସହ ସ୍ବଦେଶ ଫେରିଛି ମାତ୍ର ଦନୁଷ୍କା ଦଳ ସହ ଫେରି ନାହାନ୍ତି । ପ୍ରକାଶ ଥାଉ କି ଦନୁଷ୍କା ବିଶ୍ବକପ ପାଇଁ ଅଷ୍ଟ୍ରେଲିଆରେ ପହଞ୍ଚିଥିଲେ । ଆହତ କାରଣରୁ ମଧ୍ୟଭାଗରେ ଟୁର୍ଣ୍ଣାମେଣ୍ଟରୁ ଆଉଟ ହୋଇଥିଲେ । ତାଙ୍କ ସ୍ଥାନରେ ଅଶେନ ବଡାରାଙ୍କୁ ଦଳରେ ସାମିଲ କରାଯାଇଥିଲା ।
