ଲକ୍ଷ୍ନୌ: ପ୍ରଥମ ଦିନିକିଆ ମ୍ୟାଚ୍ରେ ଦକ୍ଷିଣ ଆଫ୍ରିକା ନିର୍ଦ୍ଧାରିତ ୪୦ ଓଭରରେ ୨୪୯ ରନ୍ କରିଛି । ବର୍ଷା ଯୋଗୁଁ ମ୍ୟାଚ୍କୁ ୪୦ ଓଭରକୁ କମାଇ ଦିଆଯାଇଥିଲା । ମଧ୍ୟକ୍ରମ ବ୍ୟାଟ୍ର ହେନ୍ରିକ୍ କ୍ଲାସିନ୍ ଓ ଡେଭିଡ ମିଲରଙ୍କ ଶତକୀୟ ଭାଗିଦାରୀ ବଳରେ ଦକ୍ଷିଣ ଆଫ୍ରିକା ଭାରତକୁ ୨୫୦ ରନ୍ ଟାର୍ଗେଟ୍ ଦେଇଛି । ଆଜି ଭାରତୀୟ ଖେଳାଳି ଗ୍ରାଉଣ୍ଡରେ ଅତି ସାଧାରଣ ଫିଲ୍ଡିଂ କରିଥିବା ଦେଖାଯାଇଥିଲା । ସେପଟେ ବୋଲର ମଧ୍ୟ କୌଣସି କମାଲ କରି ପାରିନାହିନ୍ତି । ଟସ୍ ଜିତି ପ୍ରଥମେ ଦକ୍ଷିଣ ଆଫ୍ରିାକୁ ବୋଲିଂ ଆମନ୍ତ୍ରଣ ଦେଇଥିଲା ଭାରତ ।
ପ୍ରଥମ ୱିକେଟ ପାଇଁ ଦକ୍ଷିଣ ଆଫ୍ରିକାର ଦୁଇ ଓପନର ମଲାନ୍ ଓ ଡିକକ୍ଙ୍କ ମଧ୍ୟରେ ୪୯ ରନ୍ ଭାଗିଦାରୀ ହୋଇଥିଲା । ଏହାପରେ ମଲାନଙ୍କୁ ଆଉଟ କରିଥିଲେ ଶାର୍ଦ୍ଦୁଲ ଠାକୁର । ତେବେ ଡିକକ୍ ଏକ ଦାୟିତ୍ବପୂର୍ଣ୍ଣ ପାଳି ଖେଳିଥିଲେ । ସେ ୫୪ ବଲ୍ରୁ ୪୮ ରନ୍ କରିଥିଲେ । ଏହାପରେ ଅଧିନାୟକ ବାଭୁମା ଓ ମକ୍ରମ ମଧ୍ୟ ଶସ୍ତାରେ ଆଉଟ ହୋଇଥିଲେ । ଏହାପରେ କ୍ଲାସିନ୍ ଓ ଡାଭିଡ ମିଲର ଧୂଆଁଧାର ପାଳି ଖେଳିଥିଲେ । କ୍ଲାସିନ୍ ୬୪ଟି ବଲ୍ରୁ ୭୪ ରନ୍ କରିଥିବା ବେଳେ ଡେଭିଡ ମିଲର ୬୩ଟି ବଲ୍ରୁ ୭୫ ରନ୍ କରିଥିଲେ । ଯାହାଫଳରେ ଦକ୍ଷିଣ ଆଫ୍ରିକା ନିର୍ଦ୍ଧାରିତ ୪୦ ଓଭରରେ ୨୪୯ ରନ୍ କରିଛି ।
ସେପଟେ ଭାରତ ପକ୍ଷରୁ ଶାର୍ଦ୍ଦୁଳ ଠାକୁର ଦୁଇଟି ୱିକେଟ ନେଇଥିବା ବେଳେ ରବି ବିଷ୍ଣୋଇ ଓ କୂଳଦୀପ ଯାଦବ ଗୋଟିଏ ଲେଖଏଁ ୱିକେଟ ନେଇଥିଲେ । ସିରାଜ ଓ ଅଭେଷ ଖାନ୍ କୌଣସି ୱିକେଟ ଅକ୍ତିଆର କରି ପାରିନାହାନ୍ତି । ରବି ବିଷ୍ଣୋଇ ସବୁଠାରୁ ମହଙ୍ଗା ବୋଲର ସାବ୍ୟସ୍ତ ହୋଇଛନ୍ତି । ସେ ୮ ଓଭରରେ ୮.୬୦ ହାରରେ ୬୯ ରନ୍ ଖର୍ଚ୍ଚ କରିଛନ୍ତି ।
