ଜୟପୁର: ପ୍ରଥମ ଅନ୍ତର୍ଜାତୀୟ ଟି-୨୦ ମ୍ୟାଚ୍ ଆୟୋଜନ କରିବ ସବାଇ ମାନସିଂ ଷ୍ଟାଡିୟମ, ଜୟପୁର । ନଭେମ୍ବର ୧୭ରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟି-୨୦ ସିରିଜର ପ୍ରଥମ ମ୍ୟାଚ୍ ଏହି ଷ୍ଟାଡିୟମରେ ଖେଳାଯିବ ।
ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ପୂର୍ବତନ କ୍ରିକେଟର ରାହୁଲ ଦ୍ରାବିଡଙ୍କୁ ଟିମ ଇଣ୍ଡିଆର ନୂଆ ମୁଖ୍ୟ କୋଚ୍ ନିଯୁକ୍ତ କରିଛି । ଟି-୨୦ ଅଧିନାୟକତ୍ବ ଛାଡିବା ପରେ ବିରାଟ କୋହଲି ଜଣେ ନୂଆ କ୍ୟାପଟେନଙ୍କ ଅଧିନରେ ଖେଳିବାକୁ ଯାଉଛନ୍ତି । ଟି-୨୦ ଟିମର ଅଧିନାୟକ ଭାର ରୋହିତ ଶର୍ମା ପ୍ରାୟତଃ ସମ୍ଭାଳିବା ନେଇ ସୂଚନା ରହିଛି ।
ରାଜସ୍ଥାନ କ୍ରିକେଟ ଆସୋସିଏସନ ମ୍ୟାଚ୍ ଆୟୋଜନ ପାଇଁ ଜୋରଦାର ପ୍ରସ୍ତୁତି ଚଳାଇଛି । ଷ୍ଟାଡିୟମରେ ଦର୍ଶକଙ୍କୁ ସ୍ବାଗତ ନେଇ ମଧ୍ୟ ଯୋଜନା ରଖିଛି ବୋର୍ଡ ।
ନଭେମ୍ବର ୧୦ରେ ଭାରତୀୟ ଟିମ ଜୟପୁରରେ ପହଞ୍ଚିବ ଓ ତିନିଦିନ କ୍ବାରେଣ୍ଟିନରେ ରହିବ । ନଭେମ୍ବର ୧୪ରୁ ୧୬ ପର୍ଯ୍ୟନ୍ତ ସବାଇ ମାନସିଂ ଷ୍ଟାଡିୟମରେ ସ୍କ୍ବାଡ ଅଭ୍ୟାସ କରିବ ।
ନ୍ୟୁଜିଲାଣ୍ଡ କ୍ରିକେଟ ଟିମ UAEରେ ଚାଲିଥିବା ଟି-୨୦ ବିଶ୍ବକପ ପରେ ଜୟପୁରରେ ପହଞ୍ଚିବ ଓ କ୍ବାରେଣ୍ଟିନରେ ରହିବ । ଏହାପରେ ଉଭୟ ଟିମ ନଭେମ୍ବର ୧୮ରେ ସିରିଜର ଦ୍ବିତୀୟ ମ୍ୟାଚ୍ ପାଇଁ ରାଞ୍ଚି ଅଭିମୁଖେ ଯାତ୍ରା କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
