ସୁସ୍ଥ ହେଉଛନ୍ତି ଋଷବ, ରିକଭରି ପାଇଁ ପାଣିରେ ପନ୍ତଙ୍କ ପୁଲ ୱାକ

ଭୟଙ୍କର ସଡକ ଦୁର୍ଘଟଣାର ଶିକାର ହୋଇଥିବା ଭାରତୀୟ କ୍ରିକେଟର ଋଷବ ପନ୍ତ ଧୀରେ ଧୀରେ ସୁସ୍ଥ ହେଉଛନ୍ତି । ରିକଭରି ପାଇଁ ପନ୍ତ ପୁଲ ୱାକ କରୁଥିବା ଦେଖିବାକୁ ମିଳିଛି ।

ନୂଆଦିଲ୍ଲୀ: ଭାରତୀୟ ୱିକେଟ କିପର ତଥା ବ୍ୟାଟର ଋଷବ ପନ୍ତ ଗତ ବର୍ଷ ସଡକ ଦୁର୍ଘଟଣାର ଶିକାର ହୋଇଥିଲେ । 25 ବର୍ଷୀୟ ପନ୍ତ ବର୍ତ୍ତମାନ ଧୀରେ ଧୀରେ ସୁସ୍ଥ ହେଉଛନ୍ତି । ବାଡି ସାହାଯ୍ୟରେ ବାଟ ଚାଲୁଛନ୍ତି । ଜଲଦି ସୁସ୍ଥ ହେବାକୁ ସେ ପୁଲ ୱାର୍କ କରୁଥିବା ଦେଖିବାକୁ ମିଳିଛି । ଯାହାର ଏକ ଭିଡିଓ ସେ ତାଙ୍କ ଟ୍ବିଟରରେ ସେୟାର କରିଛନ୍ତି ।

• Grateful for small thing, big things and everything in between. 🙏#RP17 pic.twitter.com/NE9Do72Thr

  — Rishabh Pant (@RishabhPant17) March 15, 2023 " class="align-text-top noRightClick twitterSection" data="

  Grateful for small thing, big things and everything in between. 🙏#RP17 pic.twitter.com/NE9Do72Thr

  — Rishabh Pant (@RishabhPant17) March 15, 2023

  ">

  Grateful for small thing, big things and everything in between. 🙏#RP17 pic.twitter.com/NE9Do72Thr

  — Rishabh Pant (@RishabhPant17) March 15, 2023

ଋଷବ ପନ୍ତ ତାଙ୍କ ପୁଲ ୱାକର ଏକ ଭିଡିଓ ସେୟାର କରି ଲେଖିଛନ୍ତି, ''ଛୋଟ ଜିନିଷ, ବଡ ଜିନିଷ ଓ ସବୁ ଉପଲବ୍ଧି ପାଇଁ ମୁଁ ସମସ୍ତଙ୍କ ପାଖରେ କୃତଜ୍ଞ ।'' ଭିଡିଓରେ ସୁଇମିଂ ପୁଲରେ ପାଣିରେ ପନ୍ତ ଚାଲୁଥିବାର ଦେଖିବାକୁ ମିଳିଛି । ଅବଶ୍ୟ ହାତରେ ଏକ ବାଡି ଧରି ଚାଲୁଥିବା ଦେଖାଯାଇଛି । ଜଲଦି ରିକଭରି ପାଇଁ ପନ୍ତ ଏହି ପୁଲ ୱାକ କରୁଛନ୍ତି । ସେ ଖୁବ ଶୀଘ୍ର ସୁସ୍ଥ ହୋଇ ଭାରତୀୟ ଦଳରେ ଯୋଗ ଦେବେ । ପଡିଆକୁ ଫେରିବା ପାଇଁ ସେ ବ୍ୟାୟାମ କରୁଛନ୍ତି । ପନ୍ତଙ୍କର ଏହି ଭିଡିଓ ଦେଖିବା ପରେ ଫ୍ୟାନ୍ସ ଖୁସି ବ୍ୟକ୍ତ କରିଥିବା ବେଳେ ତାଙ୍କୁ ଶୀଘ୍ର ସୁସ୍ଥତା କାମନା କରିଥିଲେ ।

ପ୍ରକାଶଥାଉ କି, ଗତବର୍ଷ ଡିସେମ୍ବର 30 ତାରିଖରେ ଦିଲ୍ଲୀରୁ ଡେରାଡୁନ ଫେରୁଥିବା ବେଳେ ଭୟଙ୍କର ସଡକ ଦୁର୍ଘଟଣାର ଶିକାର ହୋଇଥିଲେ ଋଷବ ପନ୍ତ । ଉତ୍ତରାଖଣ୍ଡର ରୁରକୀରେ ପନ୍ତଙ୍କ କାର ଦୁର୍ଘଟଣା ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ପନ୍ତଙ୍କ କାରଟି ସମ୍ପୂର୍ଣ୍ଣ ଜଳି ଯାଇଥିଲା । ପନ୍ତଙ୍କ ମୁଣ୍ଡ, ଗୋଡ ଓ ହାତରେ ଗଭୀର ଆଘାତ ଲାଗିଥିଲା । ସେଠାରେ ଉପସ୍ଥିତ ଥିବା କିଛି ଲୋକ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଉତ୍ତରାଖଣ୍ଡର ମ୍ୟାକ୍ସ ହସ୍ପିଟାଲରେ କିଛି ଦିନ ଚିକିତ୍ସିତ ହେବା ପରେ ତାଙ୍କୁ ମୁମ୍ବାଇ ସ୍ଥାନାନ୍ତରିତ କରାଯାଇଥିଲା । ମୁମ୍ବାଇରେ କିଛି ଦିନ ଚିକିତ୍ସା ପରେ ଡିସଚାର୍ଜ ହୋଇଥିଲେ । ବର୍ତ୍ତମାନ ଘରେ ବିଶ୍ରାମ ନେଉଛନ୍ତି ଋଷବ । ଖୁବଶୀଘ୍ର ସୁସ୍ଥ ହୋଇ ଭାରତୀୟ ଦଳରେ ଯୋଗ ଦେବେ ।

ଭାରତର ଏହି ପ୍ରତିଭାବାନ କ୍ରିକେଟର ତାଙ୍କ କ୍ୟାରିଅରରେ 33ଟି ଟେଷ୍ଟ ଖେଳି 2,271 ରନ କରିଛନ୍ତି । ଦେଶ ପାଇଁ 30ଟି ଦିନିକିଆ, 66ଟି ଟି-20 ମ୍ୟାଚ ଖେଳିଛନ୍ତି । ଆଇପିଏଲରେ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଅଛନ୍ତି ଋଷବ ପନ୍ତ ।