ବ୍ରିସବେନ: ଅଷ୍ଟ୍ରେଲୀୟ ଦ୍ରୁତ ବୋଲର ଜୋଏ ରିଚାର୍ଡସନ ଖେଳିପାରନ୍ତି ଇଂଲଣ୍ଡ ବିପକ୍ଷ ଦ୍ବିତୀୟ ଆସେସ ଟେଷ୍ଟ । ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ୫ ଟିକିଆ ଆସେସ୍ ଟେଷ୍ଟ ସିରିଜର ଦ୍ବିତୀୟ ମ୍ୟାଚ୍ ଆଡିଲେଡରେ ଖେଳାଯିବ । ତେବେ ଏହି ମ୍ୟାଚ୍ ପୂର୍ବରୁ ଷ୍ଟାର ଦ୍ରୁତ ଜସ ହେଜେଲଉଡ୍(Hazlewood )ଙ୍କ ରୂପରେ ଘରୋଇ ଟିମକୁ ବଡ ଝଟକା ଲାଗିଛି । ଆହତ କାରଣରୁ ହେଜେଲଉଡ୍ ରବିବାର ଘରକୁ ଫେରିଯାଇଥିବା ଜଣାପଡିଛି ।
ସିଡନୀ ମର୍ଣ୍ଣିଂ ହେଲାର୍ଲ୍ଡରେ ପ୍ରକାଶିତ ରିପୋର୍ଟ ଅନୁଯାୟୀ, ହେଜେଲଉଡ୍ ବ୍ରିସବେନରୁ ସିଡନୀ ଅଭିମୁଖେ ଉଡାଣ ଭରିଛନ୍ତି । ତେବେ ଅଷ୍ଟ୍ରେଲିଆ କ୍ରିକେଟ ବୋର୍ଡର ମୁଖପାତ୍ରଙ୍କ ସୂଚନା ଅନୁଯାୟୀ, ଦ୍ବିତୀୟ ଟେଷ୍ଟରେ ହେଜେଲଉଡ ଖେଳିବେ କି ନାହିଁ ଏଯାବତ ନିଷ୍ପତ୍ତି ନିଆଯାଇନାହିଁ ।
ଏହାମଧ୍ୟ ପଢନ୍ତୁ: ଆଜି ମୁମ୍ବାଇ ପହଞ୍ଚିପାରେ ଟିମ ଇଣ୍ଡିଆ, ଡିସେମ୍ବର ୧୬ରୁ ଦକ୍ଷିଣ ଆଫ୍ରିକା ଯାତ୍ରା
ଗାବାରେ ଖେଳାଯାଇଥିବା ପ୍ରଥମ ଟେଷ୍ଟରେ ନାଥନ ଲାୟନ, କ୍ୟାପଟେନ ପାଟ କମିନ୍ସ, ଡେଭିଡ ୱାର୍ଣ୍ଣର ଓ ଟ୍ରାଭିସ ହେଡ୍ ବିଜୟରେ ହିରୋ ରହିଥିଲେ । ୫ ମ୍ୟାଚ୍ ବିଶିଷ୍ଟ ସିରିଜରେ ୧-୦ର ଆଗୁଆ ରହିଛି ଅଷ୍ଟ୍ରେଲିଆ ।
ବ୍ୟୁରୋ ରିପୋର୍ଟ, ଇଟିଭି ଭାରତ
