ମୁମ୍ବାଇ: ଦିଲ୍ଲୀ କ୍ୟାପିଟାଲ୍ସ ମୁଖ୍ୟ କୋଚ ରିକି ପଣ୍ଟିଂ ଅଭିଜ୍ଞ ଦ୍ରୁତ ବୋଲର ଇଶାନ୍ତ ଶର୍ମାଙ୍କୁ ନେଇ ବଡ ଖୁଲାସା କରିଛନ୍ତି । ପ୍ରଥମ ଦୁଇଟି ମ୍ୟାଚରେ ଇଶାନ୍ତ ନ ଖେଳିବା ନେଇ ଫ୍ୟାନ୍ସଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ତେବେ ପଣ୍ଟିଂଙ୍କ ଅନୁଯାୟୀ, ଇଶାନ୍ତ ଗୋଇଠିରେ ଯନ୍ତ୍ରଣା ଅନୁଭବ କରୁଛନ୍ତି । ଗୁରୁବାର ରାତ୍ରିରେ ରାଜସ୍ଥାନ ରୟାଲ୍ସ ଠାରୁ 3 ୱିକେଟରେ ପରାଜୟ ମିଳିବା ପରେ ଭର୍ଚୁଆଲ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ଦିଲ୍ଲୀ କ୍ୟାପିଟାଲ୍ସର ମୁଖ୍ୟ କୋଚ୍ ।
32 ବର୍ଷୀୟ ଷ୍ଟାର ଭାରତୀୟ ଦ୍ରୁତ ବୋଲର ଇଶାନ୍ତଙ୍କୁ ଆଇପିଏଲ ନିଲାମ ପୂର୍ବରୁ ଦିଲ୍ଲୀ କ୍ୟାପିଟାଲ୍ସ ରିଲିଜ କରିନଥିଲା । ମାତ୍ର ଚେନ୍ନାଇ ସୁପର କିଙ୍ଗ୍ସ ଓ ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ ଖେଳିପାରିନାହାନ୍ତି । ତାଙ୍କ ସ୍ଥାନରେ 24 ବର୍ଷୀୟ ଅଭେଶ ଖାନ ଚୁଡାନ୍ତ ଏକାଦଶରେ ସ୍ଥାନ ପାଇଛନ୍ତି ।
