ଗୋଲ୍ଡ କୋଷ୍ଟ: ଭାରତ ଓ ଅଷ୍ଟ୍ରେଲିଆ ମହିଳା ଟିମ ମଧ୍ୟରେ ଖେଳାଯାଉଥିବା ଦିବାରାତ୍ର ଟେଷ୍ଟର ତୃତୀୟ ଦିନ ଖେଳ ଶେଷ ହୋଇଛି । ତୃତୀୟ ଦିନ ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ୪ ୱିକେଟ ହରାଇ ୧୪୩ ରନ୍ ସଂଗ୍ରହ କରିନେଇଛି ।
ତେବେ ଭାରତର ପ୍ରଥମ ଇଂନିସ ସ୍କୋର ଠାରୁ ଏବେବି ୨୩୪ ରନ୍ ପଛରେ ରହିଛି । ଫଲୋଅନ ଏଡାଇବାକୁ ୮୫ ରନ୍ ଆବଶ୍ୟକ କରୁଛି ଘରୋଇ ଟିମ ।
ଭାରତ ପକ୍ଷରୁ ଝୁଲଣ ଗୋସ୍ବାମୀ ଓ ପୂଜା ବସ୍ତ୍ରକର ୨ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି । ସେହିପରି ଏଲିସ ପେରୀ ୨୭ ଓ ଆସଲେ ଗାର୍ଡନର ୧୩ରନ୍ରେ ଅପରାଜିତ ଅଛନ୍ତି ।
ପୂର୍ବରୁ ୩୭୭/୮ରେ ଭାରତ ପ୍ରଥମ ଇଂନିସ ଘୋଷଣା କରିଥିଲାଲା । ଓପନର ସ୍ମୃତି ମାନ୍ଧାନା ଦମଦାର ଶତକ ଓ ଦିପ୍ତୀ ଶର୍ମା ଅର୍ଦ୍ଧଶତକୀୟ ଇଂନିସ ଖେଳିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
