କଟକ: ଆସନ୍ତା 12 ତାରିଖରୁ ମୁମ୍ବାଇରେ ଖେଳାଯିବ ବିଜୟ ହଜାରେ ଟ୍ରଫି । ବିଜୟ ହଜାରେ ଟ୍ରଫି ପାଇଁ ଘୋଷଣା ହୋଇଛି ଓଡିଶା କ୍ରିକେଟ ଦଳ । 16 ଜଣିଆ ଓଡିଶା ଟିମ୍ ଆଜି ଘୋଷଣା କରିଛି ଓଡିଶା କ୍ରିକେଟ ସଙ୍ଘ ( odisha cricket association ) । ଏହି ଟୁର୍ଣ୍ଣାମେଣ୍ଟରେ ଅଭିଷେକ ରାଉତଙ୍କୁ ମିଳିଛି ଅଧିନାୟକ ଦାୟିତ୍ବ ଦିଆଯାଇଛି । ଉଭୟ ଯୁବ ଓ ଅଭିଜ୍ଞ ଖେଳାଳିଙ୍କୁ ନେଇ16 ଜଣିଆ ଟିମ ଗଠନ କରିଛି ଓସିଏ । ଟପ୍ ଅର୍ଡରରେ ରହିଛନ୍ତି କାର୍ତ୍ତିକ ବିଶ୍ବାଳ, ଅଂଶୁମାନ ରଥ, ଶୁଭ୍ରାଂଶୁ ସେନାପତି, ଶାନ୍ତନୁ ମିଶ୍ର ଓ ଅଧିନାୟକ ଅଭିଷେକ ରାଉତ, ରାକେଶ ପଟ୍ଟନାୟକ ।
ୱିକେଟ କିପର ହିସାବରେ ରାଜେଶ ଧୂପର ଓ ପ୍ରବୀଣ କୁମାର ଲୁହାଙ୍କୁ ଦଳରେ ସ୍ଥାନ ମିଳିଛି । ସେହିପରି ବୋଲିଂ ଲାଇନ ଅପ ଓ ଅଲରାଉଣ୍ଡ ଦିଗରେରେ ଦଳ ବେଶ୍ ମଜଭୁତ ରହିଛି । ଜୟନ୍ତ ବେହେରା, ରାଜେଶ ମହାନ୍ତି, ଦେଵବ୍ରତ ପ୍ରଧାନ, ସୌରଭ କନୋଜିଆ, ତାରିଣୀ ସ ପ୍ରୟାସ ସିଂ ଠାକୁର ଦଳରେ ରହିଛନ୍ତି । ସେହିପରି ଦଳରେ ନୂଆ ମୁହଁ ହିସାବରେ ଅମିନ ଖାନ ଓ ମୁସ୍ତାକ ବେଗ ପ୍ରଥମ ଥର ପାଇଁ ବିଜୟ ହଜାରେ ଟ୍ରଫିରେ ନଜର ଆସିବେ । ଆସନ୍ତା 12 ତାରିଖରୁ ମୁମ୍ବାଇରେ ଖେଳାଯିବା ଏହି ମେଗା କ୍ରିକେଟ ପ୍ରତିଯୋଗିତା । ତେବେ ଏହି ମ୍ୟାଚରେ ଓଡିଶା ଭଲ ପଦର୍ଶନ କରିବା ସହ ଟ୍ରଫି ହାତେଇବା ଲକ୍ଷ୍ୟ ରଖିଛି ଓଡିଶା କ୍ରିକେଟ ସଂଘ ।
ବିଜୟ ହଜାରେ ଟ୍ରଫି ପାଇଁ ଓଡିଶା ଦଳ
ଅଭିଷେକ ରାଉତ (ଅଧିନାୟକ), କାର୍ତ୍ତିକ ବିଶ୍ବାଳ, ଅଂଶୁମାନ ରଥ, ଶୁଭ୍ରାଂଶୁ ସେନାପତି, ଶାନ୍ତନୁ ମିଶ୍ର, ରାକେଶ ପଟ୍ଟନାୟକ, ରାଜେଶ ଧୂପର, ପ୍ରବୀଣ କୁମାର ଲୁହା, ଜୟନ୍ତ ବେହେରା ,ରାଜେଶ ମହାନ୍ତି, ଦେଵବ୍ରତ ପ୍ରଧାନ, ସୌରଭ କନୋଜିଆ, ତାରିଣୀ ସ, ପ୍ରୟାସ ସିଂ ଠାକୁର, ଅମିନ ଖାନ, ମୁସ୍ତାକ ବେଗ ।
ଇଟିଭି ଭାରତ, କଟକ
