ନୂଆଦିଲ୍ଲୀ: ପୂର୍ବତନ ଭାରତୀୟ ଅଲରାଉଣ୍ଡର ଇରଫାନ ପଠାନ ଦ୍ବିତୀୟ ସନ୍ତାନର ପିତା ହୋଇଛନ୍ତି । ମଙ୍ଗଳବାର ସୋସିଆଲ ମିଡିଆରେ ଏନେଇ ଘୋଷଣା କରିଛନ୍ତି ପଠାନ । ସାଫା ବେଗ୍ଙ୍କୁ ବର୍ଷ ୨୦୧୬ରେ ବିବାହ କରିଥିଲେ ଇରଫାନ ।
ଟ୍ବିଟ୍ ଯୋଗେଁ ପୁତ୍ର ସନ୍ତାନର ପିତା ହୋଇଥିବା ନେଇ ପଠାନ ସୂଚନା ଦେବା ସହ ପୁଅର ନାମ ସୁଲେମାନ ଖାନ ବୋଲି ସ୍ପଷ୍ଟ କରିଛନ୍ତି । ଏଥିସହ ମାଆ ଓ ଶିଶୁ ସୁସ୍ଥ ଥିବା କହିଛନ୍ତି ।
-
Safa and me welcome our baby boy SULEIMAN KHAN. Both baby and mother are fine and healthy. #Blessings pic.twitter.com/yCVoqCAggW
— Irfan Pathan (@IrfanPathan) December 28, 2021 " class="align-text-top noRightClick twitterSection" data="
">Safa and me welcome our baby boy SULEIMAN KHAN. Both baby and mother are fine and healthy. #Blessings pic.twitter.com/yCVoqCAggW
— Irfan Pathan (@IrfanPathan) December 28, 2021Safa and me welcome our baby boy SULEIMAN KHAN. Both baby and mother are fine and healthy. #Blessings pic.twitter.com/yCVoqCAggW
— Irfan Pathan (@IrfanPathan) December 28, 2021
ଇରଫାନ ଫେବ୍ରୁଆରୀ ୨୦୧୬ରେ ସାଫା ବେଗ୍ଙ୍କୁ ବିବାହ କରିଥିଲେ ଓ ସମାନବର୍ଷ ଡିସେମ୍ବରରେ ପ୍ରଥମ ପୁତ୍ର ଇମ୍ରାନ ଖାନ ପଠାନଙ୍କ ପିତା ହୋଇଥିଲେ ।
ଏହାମଧ୍ୟ ପଢନ୍ତୁ: Centurion Test: 327 ରନ୍ରେ ଭାରତର ପ୍ରଥମ ଇଂନିସ ଶେଷ
ମିଡିୟମ ପେସର ଭାବେ କ୍ୟାରିୟର ଆରମ୍ଭ କରିଥିବା ପଠାନ ୧୯ ବର୍ଷରେ ଜାତୀୟ ଟିମରେ ଖେଳିବାର ସୌଭାଗ୍ୟ ହାସଲ କରିଥିଲେ । ନିଜର ଚମତ୍କାର ବୋଲିଂ କୌଶଳ ପାଇଁ ପାକିସ୍ତାନର ମହାନ ବୋଲର ୱାସିମ ଆକ୍ରମଙ୍କ ସହ ତାଙ୍କର ତୁଳନା କରାଯାଉଥିଲା ।
ବର୍ଷ ୨୦୦୬ରେ ପଠାନ ଏକମାତ୍ର ବୋଲର ଭାବେ ମ୍ୟାଚ୍ର ପ୍ରଥମ ଓଭରରେ ଟେଷ୍ଟ ହାଟ୍ରିକ୍(Hat-trick) ହାସଲ କରିଥିଲେ । କରାଚୀ ଅନ୍ତର୍ଜାତୀୟ ଷ୍ଟାଡିୟମରେ ପାକିସ୍ତାନ ବିପକ୍ଷରେ ସେ ଏହି କମାଲ କରିଥିଲେ । ତେବେ ସମୟକ୍ରମେ ତାଙ୍କର ୱିକେଟ ହାସଲ କ୍ଷମତା କମ୍ ହୋଇଥିଲା । ବ୍ୟାଟ୍ରେ ଯୋଗଦାନ କରିଥିଲେ ମଧ୍ୟ ୨୦୦୬ ଶେଷ ଭାଗରେ ଟେଷ୍ଟ ଓ ଦିନିକିଆ ଟିମରୁ ନିଜର ସ୍ଥାନ ହରାଇଥିଲେ । ତେବେ ୨୦୦୭ ଟି-୨୦ ବିଶ୍ବକପ ଟିମକୁ ଫେରିଥିଲେ ଓ ଚାମ୍ପିଅନ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
