କଟକ: 2022 ଆଇପିଏଲରେ ନଜର ଆସିବ 10 ଟି ଟିମ । ଏନେଇ ଗତକାଲି(ସୋମବାର) ଟେଣ୍ଡର ପ୍ରକ୍ରିୟା 6 ଟି ସସହର ପରିସର ଭୁକ୍ତ ହୋଇଛି ବୋଲି ବିସିସିଆଇ ପକ୍ଷରୁ ସୂଚନା ମିଳିଛି । ଏହି ୧୦ ଟିମ୍ ମଧ୍ୟରୁ କଟକର ନାମ ରହିବ ବୋଲି ଜଣାପଡିଛି ।
'2022 ରେ କଟକ ଟିମ ଆସିଲେ ଲାଭବାନ ହେବେ ଓଡ଼ିଆ କ୍ରିକେଟର'
ତେବେ ଯଦି କଟକ ଟିମ ଆଇପିଏଲରେ ଖେଳେ ତେବେ ଓଡ଼ିଆ ଖେଳାଳିଙ୍କ ଭାଗ୍ୟ ଫିଟିବ ବୋଲି କ୍ରିକେଟ ଏକ୍ସପର୍ଟ ପବନ ଅଗ୍ରୱାଲ କହିଛନ୍ତି । ଓଡିଶାରେ ଅନେକ ଦକ୍ଷ ଖେଳାଳି ଅଛନ୍ତି । ଏପରି ହେଲେ ଓଡିଶା ଖେଳାଳି ସିଧାସଳଖ ଆଇପିଏଲରେ ନଜର ଆସିବେ । ଯଦି ଏମାନେ ଆଇପିଏଲରେ ଭଲ ପ୍ରଦର୍ଶନ କରନ୍ତି ତେବେ ଭାରତୀୟ କ୍ରିକେଟ ଦଳରେ ମଧ୍ୟ ସ୍ଥାନ ପାଇବାର ସୁଯୋଗ ମିଳିବ । ଏଥିସହ ରାଜ୍ୟକୁ ଟୁରିଜିମ୍ କ୍ଷେତ୍ରରେ ମଧ୍ୟ ଲାଭ ମିଳିବ ବୋଲି ସେ କହିଛନ୍ତି । ବିସିସିଆଇର ଏହି ଘୋଷଣା ପରେ ରାଜ୍ୟ କ୍ରିକେଟରେ ଖୁସିର ମାହୋଲ୍ ଖେଳିଯାଇଛି । ତେବେ ଏହି ସମ୍ପର୍କରେ ଓସିଏ ପକ୍ଷରୁ କୌଣସି ସ୍ପଷ୍ଟୀକରଣ ମିଳିପାରିନାହିଁ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
