ନୂଆଦିଲ୍ଲୀ: ଅଷ୍ଟ୍ରେଲିଆ ଅଲରାଉଣ୍ଡର ଡାନିଏଲ ସାମ୍ସ ହେଲେ କୋରୋନା ପଜିଟିଭ । ବୁଧବାର ରୟାଲ ଚ୍ୟାଲେଞ୍ଜର ବାଙ୍ଗାଲୋରର ଆଲରାଉଣ୍ଡର ଡାନିଏଲ ସାମ୍ସ କୋରୋନା ପଜିଟିଭ ଟିହ୍ନଟ ହୋଇଛନ୍ତି । ଏହା ପୂର୍ବରୁ ଆରସିବିର ଦେବଦତ୍ତ ପାଡିକୋଲ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।
14 ତମ ଆଇପିଏଲ ଆରମ୍ଭ ହେବାର ଆଉ ଦୁଇ ଦିନ ରହିଛି । ଏହା ପୂର୍ବରୁ ବିଭିନ୍ନ ଦଳରେ କୋରୋନା ପଜିଟିଭି ଟିହ୍ନଟ ହୋଇଛନ୍ତି । ଆରସିବିର ଦ୍ବିତୀୟ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହପରେ ଏନେଇ ଆରସିବି ପକ୍ଷରୁ କୁହାଯାଇଛି ଯେ, ଡାନିଏଲ୍ ସାମ୍ସ ଏପ୍ରିଲ୍ 3ରେ ଚେନ୍ନାଇର ଟିମ୍ ହୋଟେଲରେ ଯାଞ୍ଚ କରିଥିଲେ । ଆସିବା ସମୟରେ ଏକ ନେଗେଟିଭ COVID ରିପୋର୍ଟ ଆସିଥିଲା । 7 ଏପ୍ରିଲରେ ଦ୍ବିତୀୟ ଥର ପାଇଁ ଟେଷ୍ଟ ପରେ ତାଙ୍କର ରିପୋର୍ଟ ପଜିଟିଭ ହୋଇଥିଲା ।
ତାଙ୍କୁ ଲକ୍ଷଣବିହୀନ କୋରୋନା ହୋଇଥିବାବେଳେ ସେ ବର୍ତ୍ତମାନ ଆଇସୋଲେସନରେ ରହିଛନ୍ତି ବୋଲି ଆରସିବି ଟୁଇଟ କରି ସୂଚନା ଦେଇଛି । ଏଥିରେ କୁହାଯାଇଛି ଯେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଡାକ୍ତରୀ ଦଳ ଡାନିଏଲ ସାମ୍ସଙ୍କ ସହ ନିରନ୍ତର ଯୋଗାଯୋଗରେ ଅଛନ୍ତି ଏବଂ ତାଙ୍କ ସ୍ବାସ୍ଥ୍ୟ ଉପରେ ନଜର ରଖିଛନ୍ତି ଏବଂ ବିସିସିଆଇ ପ୍ରୋଟୋକଲ ପାଳନ କରୁଛନ୍ତି।
ବିସିସିଆଇର ଷ୍ଟାଣ୍ଡାର୍ଡ ଅପରେଟିଂ ପଦ୍ଧତି (SOP) କହିଛି ଯେ ଜଣେ ଖେଳାଳୀ ଯିଏ COVID-19 ପାଇଁ ପଜିଟିଭ୍ ପରୀକ୍ଷା କରେ, ଲକ୍ଷଣର ପ୍ରଥମ ଦିନ କିମ୍ବା ନମୁନା ସଂଗ୍ରହ ତାରିଖ ଠାରୁ ସର୍ବନିମ୍ନ 10 ଦିନ ବାୟୋ ସୁରକ୍ଷିତ ପରିବେଶ ବାହାରେ ନିର୍ଦ୍ଦିଷ୍ଟ ଅଞ୍ଚଳରେ ପୃଥକ ହେବା ଆବଶ୍ୟକ । ସୂଚନାଥାଉକି ଏପ୍ରିଲ 9 ରେ ଟୁର୍ଣ୍ଣାମେଣ୍ଟର ଉଦଘାଟନୀ ମୁକାବିଲାରେ ଆରସିବି ମୁମ୍ବାଇ ଇଣ୍ଡିଆନ୍ସକୁ ଭେଟିବ ।
ବ୍ୟୁରୋ ରିପୋର୍ଟ,ଇଟିଭି ଭାରତ
