ମୁମ୍ବାଇ: ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲାର ଓ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ମୁକାବିଲା ଜାରି ରହିଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେବାପରେ ନିର୍ଦ୍ଧାରିତ 20 ଓଭରରେ 4 ୱିକେଟ ହରାଇ 191 ରନ୍ ସଂଗ୍ରହ କରିଛି ଚେନ୍ନାଇ । ଫଳରେ ଆରସିବି ସାମ୍ନାରେ 192 ରନର ବିଜୟ ଲକ୍ଷ୍ୟ ରହିଛି ।
ସିଏସକେ ପକ୍ଷରୁ ଓପନର ଋତୁରାଜ ଗାଏକ୍ବାଡ ଓ ଫାପ ଡପୁପ୍ଲେସିସଙ୍କ ମଧ୍ୟରେ 74 ରନର ଭାଗିଦାରୀ ହୋଇଥିଲା । ଋତୁରାଜ 25 ବଲ୍ରୁ 4ଟି ଚୌକା ଓ ଗୋଟିଏ ଛକା ସହାୟତାରେ 33 ରନରେ ଆଉଟ ହୋଇଥିଲେ । ପରେ ଡୁପ୍ଲେସିସ 41 ବଲ୍ରୁ 5 ଚୌକା ଓ ଗୋଟିଏ ଛକା ସହାୟତାରେ ଅର୍ଦ୍ଧଶତକୀୟ ଇଂନିସ ଖେଳିଥିଲେ । ତେବେ ସର୍ବାଧିକ 62 ରନ୍ର ବିସ୍ଫୋରକ ଇଂନିସ ଖେଳି ଚେନ୍ନାଇ ଇଂନିସର ହିରୋ ରହିଥିଲେ ଅଲରାଉଣ୍ଡର ରବିନ୍ଦ୍ର ଜାଡେଜା । ମାତ୍ର 28 ବଲ୍ରୁ 4ଚୌକା ଓ 5ଟି ଛକା ସହାୟତାରେ ଦ୍ରୁତ ଅର୍ଦ୍ଧଶତକ ହାସଲ କରିଥିଲେ । କ୍ୟାପଟେନ ମହେନ୍ଦ୍ର ସିଂହ ଧୋନି ଶେଷ ଭାଗରେ ମାତ୍ର 3ଟି ବଲ୍ ଖେଳି 2 ରନ କରିଥିଲେ ।
