ହାଇଦ୍ରାବାଦ: ପାକିସ୍ତାନର ପୂର୍ବତନ ଅଧିନାୟକ ୱାସିମ ଆକ୍ରାମ ଭାରତ ଏବଂ ପାକିସ୍ତାନର ଦ୍ବିପାକ୍ଷିକ କ୍ରିକେଟ ବିଷୟରେ ଆଲୋଚନା କରିଛନ୍ତି । ସେ କହିଛନ୍ତି ଯେ ଦୁଇ ଦେଶ ମଧ୍ୟରେ ରାଜନୀତି ହେତୁ ଖେଳକୁ ବଳି ଦିଆଯିବା ଉଚିତ ନୁହେଁ । ଦୁଇ ଦେଶ ମଧ୍ୟରେ ରାଜନୈତିକ ତିକ୍ତତା କାରଣରୁ ପାକିସ୍ତାନ ଏବଂ ଭାରତ ମଧ୍ୟରେ କୌଣସି ଦ୍ୱିପାକ୍ଷିକ ସିରିଜ୍ କିମ୍ବା ଉଭୟ ଦଳର ଖେଳାଳି ପରସ୍ପରର ଟି -20 ଲିଗରେ ଅଂଶଗ୍ରହଣ କରି ପାରୁନାହାନ୍ତି ।
ୱାସିମ ଆକ୍ରାମ ଏକ ସାକ୍ଷାତକାରରେ କହିଛନ୍ତି ଯେ ସେ ଚାହୁଁଛନ୍ତି ପାକିସ୍ତାନ ଖେଳାଳିମାନେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଏବଂ ପାକିସ୍ତାନ ସୁପର ଲିଗ୍ (ପିଏସ୍ଏଲ୍) ରେ ଭାରତୀୟ ଖେଳାଳି ଖେଳନ୍ତୁ । ସେ କହିଛନ୍ତି ଯେ ଆଇପିଏଲ ହେଉଛି ବିଶ୍ୱର ସର୍ବବୃହତ ଟି -20 ଲିଗ୍ ଏବଂ ଏହା ପାକିସ୍ତାନ ଖେଳାଳିଙ୍କ କ୍ୟାରିଅରରେ ଲାଭଦାୟକ ହେବ । ଉଲ୍ଲେଖନୀୟ କଥା ହେଉଛି, ଆକ୍ରାମ ଆଇପିଏଲ ଦଳ କୋଲକାତା ନାଇଟ୍ ରାଇଡର୍ସର ବୋଲିଂ କୋଚ୍ ରହି ଆସିଛନ୍ତି ।
ସେ କହିଛନ୍ତି, "ମୁଁ ଭାବୁଛି ଦୁଇ ଦେଶ ମଧ୍ୟରେ ରାଜନୈତିକ ତିକ୍ତତା ଯୋଗୁଁ ଖେଳକୁ ବଳିଦାନ ଦିଆଯିବା ଉଚିତ୍ ନୁହେଁ । ଆଇପିଏଲ ହେଉଛି ବିଶ୍ୱର ସର୍ବବୃହତ ଘରୋଇ କ୍ରିକେଟ୍ ଲିଗ୍ ଏବଂ ମୁଁ ଆଶା କରୁଛି ଯେ ପାକିସ୍ତାନ ଖେଳାଳିମାନେ ଏଥିରେ ଖେଳିବାର ସୁଯୋଗ ପାଇବେ । ମୁଁ ମଧ୍ୟ ଆଶା କରୁଛି ଯେ ଭାରତୀୟ ଖେଳାଳିମାନେ ମଧ୍ୟ PSL ର ଅଂଶ ହୋଇପାରିବେ। "
