ମୋହାଲି: ରସେଲ ନା ଗେଲ ? କାହାର ଝଡ ଦେଖିବାକୁ ମିଳିବ ? ଚଳିତ ଆଇପିଏଲର ପ୍ଲେ-ଅଫ ପର୍ଯ୍ୟାୟକୁ ଶେଷ ଦଳ ଭାବେ କିଏ ଏଣ୍ଟ୍ରି ମାରିବ ? ଆନ୍ଦ୍ରେ ରସେଲଙ୍କ କୋଲକାତା ନାଇଟ ରାଇଡର୍ସ ନା ଗେଲଙ୍କ କିଙ୍ଗ୍ସ ଇଲେଭେନ ପଞ୍ଜାବ । ତାକୁ ନେଇ ଲାଗି ରହିଛି ଚର୍ଚ୍ଚା ।
ବେନିଜନେ ସମଦଶା ପରି ସ୍ଥିତି ଉପୁଜିଛି ଦୁଇ ଦଳର । ଉଭୟ ଦଳ ସମାନ 10 ପଏଣ୍ଟ ପାଇଛନ୍ତି । ପଏଣ୍ଟ ଟେବୁଲର ଷଷ୍ଠ ଓ ସପ୍ତମ ସ୍ଥାନରେ ରହିଛନ୍ତି । ଦୁଇ ଦଳ ପାଇଁ ପ୍ଲେ-ଅଫର ରାସ୍ତା ଆଜିର ମ୍ୟାଚ ନିର୍ଣ୍ଣୟ କରିବ । ବାକିଥିବା ଦୁଇ ମ୍ୟାଚ ଯେଉଁ ଦଳ ଜିତିବ ସେ ପ୍ଲେ-ଅଫରେ ସ୍ଥାନ ପକ୍କା କରିବ । ଆଜିର ମ୍ୟାଚରେ ଳଢେଇ ବିଶେଷ କରି ଦୁଇ ୱେଷ୍ଟଇଣ୍ଡିଜ ଖେଳାଳି ଆନ୍ଦ୍ରେ ରସେଲ ଓ ଗେଲଙ୍କ ଭିତରେ ହେବ ବୋଲି ଅନୁମାନ କରାଯାଉଛି । ଦୁଇ ଦଳ ନିଶ୍ଚିନ୍ତ ବିଜୟ ଆବଶ୍ୟକ କରୁଥିବାରୁ, ମ୍ୟାଚ ଅତି ଚିତାକର୍ଷକ ହେବାନେଇ ଆଶା କରାଯାଉଛି ।
ଉଭୟ ଦଳରେ ଏକାଧିକ ପାୱରହିଟର ରହିଥିଲେ ବି ବିଜୟଧାରାକୁ ବଜାୟ ରଖିବାକୁ ଦଳ ସଫଳ ହୋଇନାହାଁ । କୋଲକାତା ପାଇଁ ରସେଲ ଆଉ ପଞ୍ଜାବ ପାଇଁ ଗେଲ ସାହା । ପୁର୍ବରୁ ଚେନ୍ନାଇ ସୁପରକିଙ୍ଗିସ, ଦିଲ୍ଲୀ କ୍ୟାପିଟାଲ୍ସ, ମୁମ୍ବାଇ ଇଣ୍ଡିଆନ୍ସ ପ୍ଲେ-ଅଫରେ ପହଞ୍ଚି ସାରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
