ହାଇଦ୍ରାବାଦ: ଆସନ୍ତା ସେପ୍ଟେମ୍ବର 19ରୁ ଆରମ୍ଭ ହେବ ଅଧାରୁ ସ୍ଥଗିତ ଥିବା ଆଇପିଏଲ 2021 । ଅକ୍ଟୋବର 15ରେ ଖେଳାଯିବ ଫାଇନାଲ ମ୍ୟାଚ୍ । ଇଣ୍ଡିଆନ ପ୍ରିମିୟର ଲିଗର 14ତମ ସଂସ୍କରଣ ଅକ୍ଟୋବର 19ରୁ ୟୁଏଇରେ ଆରମ୍ଭ ହେବ । ଆଇପିଏଲ 2021ର ଅବଶିଷ୍ଟ 31ଟି ମ୍ୟାଚ୍ ୟୁଏଇରେ ଆୟୋଜନ ନେଇ ପୂର୍ବରୁ ଘୋଷଣା କରିଥିଲା ବିସିସିଆଇ ।
ତେବେ ମ୍ୟାଚସୂଚୀକୁ ଅପେକ୍ଷା ରହିଥିଲା । ଫାଇନାଲ ମ୍ୟାଚ ଅକ୍ଟୋବର 15ରେ ଦଶହରାରେ ଖେଳାଯିବ । ବିସିସିଆଇ ଓ ଏମିରେଟ୍ସ କ୍ରିକେଟ ବୋର୍ଡ (ଇସିବି) ମଧ୍ୟରେ ନିକଟରେ ସଫଳତାର ସହ ଅବଶିଷ୍ଟ ଆଇପିଏଲ ମ୍ୟାଚ ଖେଳାଯିବାକୁ ନେଇ ହୋଇଥିବା ବୈଠକରେ ଏହା ସ୍ଥିର ହୋଇଥିବା ଜଣେ ବିସିସିଆଇ ଅଧିକାରୀ ସୂଚନା ଦେଇଛନ୍ତି ।
ଭାରତୀୟ ବୋର୍ଡ ଅବଶିଷ୍ଟ ଆଇପିଏଲ ମ୍ୟାଚ ସଫଳତାର ସହ ଦୁବାଇ, ଶାରଜାହ ଓ ଆବୁଧାବିରେ ଆୟୋଜନ ନେଇ ଦୃଢ ଆଶାବାଦୀ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
