ହାଇଦ୍ରାବାଦ: ଭାରତୀୟ ମହିଳା କ୍ରିକେଟ ଟିମର ଷ୍ଟାର ବ୍ୟାଟ୍ର ବେଦା କ୍ରିଷ୍ଣାମୂର୍ତ୍ତି ଆରମ୍ଭ କରିବାକୁ ଯାଉଛନ୍ତି ଏକ ନୂଆ ଇଂନିସ(Indian cricketer Veda krishnamurthy to get engaged) । ସେ କର୍ଣ୍ଣାଟକର ରଣଜୀ କ୍ରିକେଟର ଅର୍ଜୁନ ହୋୟସଲାଙ୍କ (Cricketer Arjun Hoysala ) ସହିତ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ବେଦା କ୍ରିଷ୍ଣାମୂର୍ତ୍ତିଙ୍କ ପରିବାରୁ ତରଫରୁ ସୂଚନା ମିଳିଛି କି ସେ ସେପ୍ଟେମ୍ବର ୧୮ ତାରିଖରେ ତାଙ୍କର ନିର୍ବନ୍ଧ ବେଙ୍ଗାଲୁରୁରେ ଅନୁଷ୍ଠିତ ହେବ ।
- " class="align-text-top noRightClick twitterSection" data="
">
କର୍ଣ୍ଣାଟକର ଏହି କ୍ରିକେଟର ଲଭ୍ ବାର୍ଡଙ୍କର ଫୋଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଅର୍ଜୁନ ହୋୟସଲା ପାହାଡ ମଝିରେ ପ୍ରେମିକ ଅନ୍ଦାଜରେ ବେଦା କୃଷ୍ଣାମୂର୍ତ୍ତିଙ୍କୁ ରିଙ୍ଗ ଦେଇ ପ୍ରୋପଜ କରୁଛନ୍ତି । ଏହି ଫୋଟୋ ସେୟାର କରି ଅର୍ଜୁନ ହୋୟସଲା ଲେଖିଛନ୍ତି "ଆଉ ସିଏ ହଁ କହିଛନ୍ତି ।" ସେହିପରି ବେଦା କ୍ରିଷ୍ଣାମୂର୍ତ୍ତି ମଧ୍ୟ ତାଙ୍କ ପ୍ରେମ ମୁହୂର୍ତ୍ତର କିଛି ଫୋଟ ଶେୟାର କରିଛନ୍ତି । ଯେଉଁଥିରେ ଦେଖାଯାଇଛି ଦୁଇ ଜଣ ପରସ୍ପରକୁ ଆଲିଙ୍ଗନ କରିଛନ୍ତି ଏବଂ ଅର୍ଜୁନ ହୋୟସଲା ତାଙ୍କୁ ରିଙ୍ଗ ପିନ୍ଧାଉଛନ୍ତି । ମହିଳା କ୍ରିକେଟ ଦଳର ଅନ୍ୟ କ୍ରିକେଟର ବେଦା କୃଷ୍ଣାମୂର୍ତ୍ତିଙ୍କର ଏହି ଜୀବନର ଏହି ନୂତନ ଅଧ୍ୟୟ ପାଇଁ ତାଙ୍କୁ ଶୁଭକାମନା ଜଣାଇଛନ୍ତି ।
ବାମହାତୀ ବ୍ୟାଟର ଅର୍ଜୁନ ହୋୟସଲା ହେଉଛନ୍ତି କର୍ଣ୍ଣାଟକର ଆଗ ଧାଡିର ରଣଜୀ ଖେଳାଳି । ଏହା ସେ ସହିତ କର୍ଣ୍ଣାଟକ ପ୍ରିମିୟର ଲିଗ ତରଫରୁ ଖେଳି ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି । ସେହିପରି ବେଦା କୃଷ୍ଣାମୂର୍ତ୍ତି ହେଉଛନ୍ତି କର୍ଣ୍ଣାଟକ ମହିଳା କ୍ରିକେଟର ଟିମର ଷ୍ଟାର ବ୍ୟାଟ୍ର । ସେ ୨୦୧୧ ମସିହାରେ ଭାରତୀୟ ମହିଳା କ୍ରିକେଟ ଦଳରେ ଡେବ୍ୟୁ କରିଥିଲେ । ଏହାସହିତ ସେ ଭାରତୀୟ ମହିଳା କ୍ରିକେଟ ଦଳର ୨୦୧୭ ଦିନିକିଆ ବିଶ୍ବକପ ଦଳର ସଦସ୍ୟ ରହିବା ସହିତ ୨୦୨୦ ଟି-୨୦ ବିଶ୍ବକପ ଦଳର ମଧ୍ୟ ସଦସ୍ୟ ରହିଥିଲେ । ସେ ଅନ୍ତର୍ଜାତୀୟ ସ୍ତରରେ ୪୮ ଦିନିକିଆ ଖେଳିଥିବାବେଳେ ୭୬ଟି ଟି୨୦ ମ୍ୟାଚ୍ ଖେଳିଛନ୍ତି ।
ବର୍ତ୍ତମାନ ଭାରତୀୟ ମହିଳା କ୍ରିକେଟ ଟିମ ଇଂଲଣ୍ଡ ବିପକ୍ଷରେ ତିନୋଟି ମ୍ୟାଚ ବିଶିଷ୍ଟ ଟି-୨୦ ସିରିଜ ଖେଳୁଛି । ପ୍ରଥମ ଟି-୨୦ ମ୍ୟାଚରେ ଭାରତ ଇଂଲଣ୍ଡ ଠାରୁ ୯ ୱିକେଟରେ ପରାଜିତ ହୋଇଛି । ଏହି ଟି-୨୦ ସିରିଜରେ ଇଂଲଣ୍ଡ ୧-୦ ରେ ଆଗୁଆ ରହିଛି ।
