ମୁମ୍ବାଇ: ବର ସାଜିବେ ଋତୁରାଜ ଗାଏକ୍ବାଡ । ରାତି ପାହିଲେ ବିବାହ ବନ୍ଧନରେ ଆବଦ୍ଧ ହେବେ ଭାରତୀୟ କ୍ରିକେଟର ଋତୁରାଜ ଗାଏକ୍ବାର୍ଡ । ନିଜର ଦମଦାର ବ୍ୟାଟିଂ ପାଇଁ ଚର୍ଚ୍ଚାରେ ଥିବା ଋତୁରାଜ ଜୀବନର ନୂଆ ଇନିଂସ ଆରମ୍ଭ କରିବାକୁ ଯାଉଛନ୍ତି । ଆସନ୍ତାକାଲି ବିବାହ ବନ୍ଧନରେ ବାନ୍ଧି ହେବେ ଋତୁରାଜ । ସେ ଉତ୍କର୍ଷା ପାୱାରଙ୍କୁ ଜୀବନସାଥୀ କରିବାକୁ ଯାଉଛନ୍ତି । ଏନେଇ ଜୋରସୋର ବିବାହ ପ୍ରସ୍ତୁତି ଆରମ୍ଭ ହୋଇଛି । ମେହେନ୍ଦି ସେରିମନୀ ସରିଛି । ଆସନ୍ତାକାଲି ଋତୁରାଜ ଓ ଉତ୍କର୍ଷାଙ୍କ ଶୁଭପରିଣୟ ହେବ । ପରସ୍ପରକୁ ଜୀବନସାଥୀ କରି ଜୀବନର ନୂଆ ଆରମ୍ଭ କରିବେ ।
ଚଳିତବର୍ଷ ଆଇପିଏଲରେ ଚେନ୍ନାଇ ସୁପର କିଙ୍ଗସ ପାଇଁ ଖେଳୁଥିବା ଋତୁରାଜ ତାଙ୍କ ବ୍ୟାଟିଂ ପାଇଁ ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ହୋଇଥିଲେ । ବିସ୍ଫୋରକ ବ୍ୟାଟିଂ ବଳରେ ଚେନ୍ନାଇ ସମର୍ଥକଙ୍କ ମନମୁଗ୍ଧ କରିଥିଲେ । ଆଇପିଏଲରେ ପରେ ପରେ ବିବାହ ପ୍ରସ୍ତୁତିରେ ଲାଗିପଡିଛନ୍ତି ଋତୁରାଜ । ଆସନ୍ତାକାଲି(ଶନିବାର) ବିବାହ କରିବେ ଋତୁରାଜ । ମେହେନ୍ଦି ସେରିମନି ସରିଯାଇଛି । ଏହାର ଏକ ଫଟୋ ଇନଷ୍ଟାରେ ସେୟାର କରିଛନ୍ତି ଋତୁରାଜ । ଉତ୍କର୍ଷା ପାୱାରଙ୍କୁ ବିବାହ କରିବେ । ବିବାହ ପାଇଁ ବିଶ୍ବ ଟେଷ୍ଟ ଚମ୍ପିଆନସିପରେ ସାମିଲ ହୋଇନାହାନ୍ତି ତାଙ୍କ ସ୍ଥାନରେ ଯଶସ୍ବୀ ଜସୈୱାଲ ଭାରତୀୟ ସ୍କ୍ବାଡରେ ସ୍ଥାନ ପାଇଛନ୍ତି । 2021 ଆଇପିଏଲ ସଂସ୍କରଣରେ 635 ରନ କରି ଋତୁରାଜ ଅରେଞ୍ଜ କ୍ୟାପ ହାତେଇଥିଲେ । ଚଳିତ ସିଜନରେ ମଧ୍ୟ ତାଙ୍କର ଦମଦାର ପ୍ରଦର୍ଶନ ଦେଖିବାକୁ ମିଳିଥିଲା ।
ଏହା ବି ପଢନ୍ତୁ...WTC Final: ଟିମ ଇଣ୍ଡିଆର ନୂଆ ଜର୍ସି
ଏହା ବି ପଢନ୍ତୁ...VIRAL ALERT: ଭଗବତ ଗୀତା ସହିତ ନଜର ଆସିଲେ ଧୋନି, ସଫଳ ହେଲା ଆଣ୍ଠୁ ସର୍ଜରୀ
ଉତ୍କର୍ଷା ପାୱାର କିଏ: ଉତ୍କର୍ଷା ପାୱାର ମଧ୍ୟ ଜଣେ କ୍ରିକେଟର । ଋତୁରାଜ ଓ ଉତ୍କର୍ଷା ମହାରାଷ୍ଟ୍ର କ୍ରିକେଟ ଟିମର ଖେଳାଳି । ଏହି ସମୟରେ ଉଭୟ ପ୍ରେମରେ ପଡିଥିଲେ । ପରସ୍ପରକୁ ଜୀବନସାଥୀ କରିବାକୁ ନିଷ୍ପତ୍ତି ନେଇଥିଲେ । ପ୍ରେମ ଏବେ ବିବାହରେ ପରିଣତ ହେବାକୁ ଯାଉଛି । 1998 ଅକ୍ଟୋବର 13 ତାରିଖରେ ଜନ୍ମିତ ଉତ୍କର୍ଷା 11 ବର୍ଷରୁ କ୍ରିକେଟ ଖେଳିବା ଆରମ୍ଭ କରିଥିଲେ । ପିଲାଦିନୁ କ୍ରିକେଟ ପ୍ରତି ତାଙ୍କର ଦୁର୍ବଳତା ଥିଲା । ସେ ଜଣେ ଅଲରାଉଣ୍ଡର । ମହାରାଷ୍ଟ୍ର ମହିଳା କ୍ରିକେଟ ଟିମ ପାଇଁ ସେ ଏକାଧିକ ମ୍ୟାଚ ଖେଳିଛନ୍ତି । ମହାରାଷ୍ଟ୍ର ଅଣ୍ଡର-19 ଟିମ ପାଇଁ 2012-13 ଓ 2017-18ରେ ଖେଳିଥିଲେ । 18 ମାସ ତଳେ ସେ ତାଙ୍କ ଶେଷ ମ୍ୟାଚ ଖେଳିଥିଲେ । 24 ବର୍ଷୀୟ ଉତ୍କର୍ଷା ବର୍ତ୍ତମାନ ପୁଣେରେ ଆଇଏନଏଫଏସ ପାଠ ପଢୁଛନ୍ତି । ଚଳିତ ଆଇପିଏଲ ଫାଇନାଲରେ ଋତୁରାଜ ଗାଏକ୍ବାଡଙ୍କ ସହ ଟ୍ରଫି ଧରି ଫଟୋ ଉଠାଇଥିବା ଦେଖିବାକୁ ମିଳିଥିଲା ।
