ହାଇଦ୍ରାବାଦ: 302 ରନର ବିଶାଳ ସ୍କୋରରେ ଶ୍ରୀଲଙ୍କାକୁ ପରାଜୟ କଲା ଭାରତ । ଭାରତୀୟ ପେସ ଆଟାକରେ ଧରାଶାୟୀ ଶ୍ରୀଲଙ୍କା, 302 ରନରେ ଜିତିଲା ଟିମ୍ ଇଣ୍ଡିଆ । 358 ରନ ସ୍କୋରକୁ ପିଛା କରି ଇନିଂସ ଆରମ୍ଭରୁ ଆଣ୍ଠେଇ ଥିଲା ଶ୍ରୀଲଙ୍କା । ଟିମ୍ ଇଣ୍ଡିଆର ବେଷ୍ଟ ବୋଲର ବୁମରା ପ୍ରଥମ ବଲରେ ଶ୍ରୀଲଙ୍କାର ଇନଫର୍ମ ନିଶଙ୍କାଙ୍କୁ ଏଲବିଡବ୍ଲ୍ୟୁ କରିଥିଲେ । ପରେ ସିରାଜ ଏବଂ ସାମି କୌଣସି ବ୍ୟାଟରଙ୍କୁ କ୍ରିଜରେ ତିଷ୍ଠିବାକୁ ଦେଇନଥିଲେ । ଏପରିକି ମାତ୍ର 3.1 ଓଭରରେ ଶ୍ରୀଲଙ୍କାର ସ୍କୋର ଥିଲା 4 ଓ୍ବିକେଟ ବିନିମୟରେ 3 ରନ ।
-
𝙄𝙉𝙏𝙊 𝙏𝙃𝙀 𝙎𝙀𝙈𝙄𝙎! 🙌#TeamIndia 🇮🇳 becomes the first team to qualify for the #CWC23 semi-finals 👏👏#MenInBlue | #INDvSL pic.twitter.com/wUMk1wxSGX
— BCCI (@BCCI) November 2, 2023 " class="align-text-top noRightClick twitterSection" data="
">𝙄𝙉𝙏𝙊 𝙏𝙃𝙀 𝙎𝙀𝙈𝙄𝙎! 🙌#TeamIndia 🇮🇳 becomes the first team to qualify for the #CWC23 semi-finals 👏👏#MenInBlue | #INDvSL pic.twitter.com/wUMk1wxSGX
— BCCI (@BCCI) November 2, 2023𝙄𝙉𝙏𝙊 𝙏𝙃𝙀 𝙎𝙀𝙈𝙄𝙎! 🙌#TeamIndia 🇮🇳 becomes the first team to qualify for the #CWC23 semi-finals 👏👏#MenInBlue | #INDvSL pic.twitter.com/wUMk1wxSGX
— BCCI (@BCCI) November 2, 2023
ପରେ 14 ରନରେ ପଞ୍ଚମ ଓ୍ବିକେଟ ଏବଂ 14ରେ ମଧ୍ୟ ଷଷ୍ଠ ଓ୍ବିକେଟ ପଡିଥିଲା । ପରେ 22 ରନରେ ସପ୍ତମ ଓ୍ବିକେଟ ଏବଂ 29 ରନରେ ଅଷ୍ଟମ ଓ୍ବିକେଟ ପଡିଥିଲା । ତେବେ 49 ରନରେ 9ମ ଏବଂ 55 ରନରେ 10 ଓ୍ବିକେଟ ପଡିଥିଲା ।
- " class="align-text-top noRightClick twitterSection" data="">
ଶ୍ରୀଲଙ୍କା ଦକ୍ଷରୁ 5 ଜଣ ବ୍ୟାଟର ଖାତା ଖୋଲିପାରିନଥିଲେ । ତେବେ ଦଳର ମାତ୍ର 3 ଜଣ ବ୍ୟାଟର ଦୁଇ ଅଙ୍କ ଛୁଇଁଥିଲେ । ମାଥ୍ୟୁସ 12 ରନ କରିଥିବା ବେଳେ ଥେକସେନା 12 ଏବଂ ରଜିଥା 14 ରନ ସ୍କୋର କରିଥିଲେ । ଶ୍ରୀଲଙ୍କା ପକ୍ଷରୁ ମାଥ୍ୟୁସ ସର୍ବାଧିକ 25ଟି ବଲ ଖେଳିଥିଲେ । ତେବେ 19.4 ଓଭରରେ 55 ରନ ସ୍କୋର କରି ଅଲଆଉଟ ହୋଇ ଯାଇଛି ଶ୍ରୀଲଙ୍କା ଦଳ ।
ଏହା ମଧ୍ୟ ପଢନ୍ତୁ: Cricket World Cup: ଇଂଲଣ୍ଡ ଟିମକୁ ପୁଣି ଝଟକା, ବିଶ୍ବକପ ମଝିରେ ଅବସର ଘୋଷଣା କଲେ ଷ୍ଟାର ବୋଲର
ଭାରତ ଆଜିର ବିଜୟ ସହିତ 7ଟି ମ୍ୟାଚରୁ 7ଟିରେ ବିଜୟ ସହିତ ପ୍ରଥମ ଦଳ ଭାବେ ଚଳିତ ବିଶ୍ବକପରେ ସେମି ଫାଇନାଲରେ ପ୍ରବେଶ କରିଛି । ଏପଟେ ଭାରତ 302 ରନରେ ଶ୍ରୀଲଙ୍କାକୁ ପରାସ୍ତ କରି ବିଶ୍ବ ରେକର୍ଡ କରିଛି । ଆଜିର ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି 8ଟି ଓ୍ବିକେଟ ହରାଇ 357 ରନ ସ୍କୋର କରିଥିଲା । ଭାରତ ପକ୍ଷରୁ ଗିଲ ସର୍ବାଧିକ 92 ରନ ସ୍କୋର କରିଥିବା ବେଳେ କୋହଲି 88 ରନ ସ୍କୋର କରିଥିଲେ । ଏହାସହିତ ଆୟର ମଧ୍ୟ 82 ରନର ଦର୍ଶନୀୟ ଇନିଂସ ଖେଳିଥିଲେ ।
ବୋଲିଂରେ ଭାରତ ପକ୍ଷରୁ ମହମ୍ମଦ ସାମି 5 ଓଭର ବୋଲିଂ କରି 18 ରନ ଦେଇ 5ଟି ଓ୍ବିକେଟ ଅକ୍ତିଆର କରିଥିବା ବେଳେ ମହମ୍ମଦ ସିରାଜ 3ଟି ଏବଂ ବୁମରା ଏବଂ ଜାଡେଜା ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
