ବେଙ୍ଗାଲୁରୁ: କ୍ରିକେଟର ବିରାଟ କୋହଲିଙ୍କ ୪ ଫ୍ୟାନ ଗିରଫ । ବେଙ୍ଗାଲୁରୁରେ ସେମାନଙ୍କର ଭେବରେଟ୍ ଷ୍ଟାର କୋହଲିଙ୍କ ସହିତ ସେଲଫି ଉଠାଇବାକୁ ଚେଷ୍ଟା କରି ସୁରକ୍ଷା ବ୍ୟବସ୍ଥାକୁ ଭାଙ୍ଗିଥିବାରୁ ଏହି ଯୁବକଙ୍କୁ ଗିରଫ କରାଯାଇଥିବା ସୋମବାର ବେଙ୍ଗାଲୁରୁ ପୋଲିସ ସ୍ପଷ୍ଟ କରିଛି ।
ବେଙ୍ଗାଲୁରୁ ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ସେମାନଙ୍କ ବିରୁଦ୍ଧରେ FIR ରୁଜୁ ହୋଇଛି ଓ ଜୋରିମାନା ଲାଗିଛି । ଏଥିସହ ସମସ୍ତଙ୍କୁ କବନ ପାର୍କ ପୋଲିସ ଷ୍ଟେସନକୁ ନିଆଯାଇଛି । ଅଭିଯୁକ୍ତ ଫ୍ୟାନଙ୍କ ମଧ୍ୟରେ ଜଣେ କୁଲାବୁରାଗି ଅଞ୍ଚଳର ହୋଇଥିବାବେଳେ ଅନ୍ୟମାନଙ୍କ ଘର ବେଙ୍ଗାଲୁରୁରେ ବୋଲି ଜଣାପଡିଛି । ଖୁବଶୀଘ୍ର ସେମାନଙ୍କୁ କୋର୍ଟ ଫରୱାର୍ଡ କରାଯିବ ବୋଲି ପୋଲିସ ସ୍ପଷ୍ଟ କରିଛି ।
ରବିବାର ରାତିରେ ଅଭିଯୁକ୍ତମାନେ ହଠାତ ବିରାଟ କୋହଲିଙ୍କ ନିକଟକୁ ସେଲଫି ନେବାକୁ ଦୌଡିବାକୁ ଲାଗିଥିଲେ । ଏହି ସମୟରେ ଉପସ୍ଥିତ ସୁରକ୍ଷାକର୍ମୀ ସେମାନଙ୍କୁ କାବୁ କରିବାକୁ ପ୍ରୟାସ କରିଥିଲେ ମଧ୍ୟ ପ୍ରଥମେ ବିଫଳ ହୋଇଥିଲେ । ତେବେ କିଛି ସମୟ ପରେ ସୁରକ୍ଷାକର୍ମୀ ତାଙ୍କୁ ଧରି ପଡିଆ ବାହାରକୁ ନେଇଥିଲେ ।
ଏହି ଘଟଣା ଏମ. ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯାଇଥିବା ଭାରତ-ଶ୍ରୀଲଙ୍କା ଦିବାରାତ୍ର ଟେଷ୍ଟର ଦ୍ବିତୀୟ ଦିନରେ ଘଟିଥିଲା । କବନ ପାର୍କ ପୋଲିସ ସଙ୍ଗେସଙ୍ଗେ ସମସ୍ତ ଅଭିଯୁକ୍ତଙ୍କୁ ଧରି ଥାନାକୁ ନେଇଥିଲା । ସେମାନଙ୍କ ମଧ୍ୟରେ ଦୁଇଜଣ ନାବାଳକ ଥିବା ଜଣାପଡିଛି ।
ବେଙ୍ଗାଲୁରୁ ଭାରତୀୟ କ୍ରିକେଟର ବିରାଟ କୋହଲିଙ୍କ ପାଇଁ ଦ୍ବିତୀୟ ଘର ସଦୃଶ । ଅଭିନେତ୍ରୀ ପତ୍ନୀ ଅନୁଷ୍କା ଶର୍ମା ଏହି ସହରରୁ ହୋଇଥିବାରୁ ବିରାଟ ସହିତ ଫ୍ୟାନ୍ସଙ୍କ ନିଆରା ନିବିଡତା ରହିଛି । ବିରାଟ ମଧ୍ୟ ଇଣ୍ଡିଆନ ପ୍ରିମିୟର ଲିଗ ଟିମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପକ୍ଷରୁ ଖେଳୁଛନ୍ତି ।
