ଲଣ୍ଡନ: ଭାରତୀୟ ଓପନର ମୟଙ୍କ ଅଗ୍ରୱାଲଙ୍କ ମୁଣ୍ଡରେ ସୋମବାର ଅଭ୍ୟାସ ସମୟରେ ବଲ ଲାଗିବା ଫଳରେ ଆହତ ହୋଇଥିଲେ । ଫଳରେ ବୁଧବାର ଠାରୁ ଆରମ୍ଭ ହେବାକୁ ଯାଉଥିବା ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରୁ ବାହାର ହୋଇଛନ୍ତି । ମୟଙ୍କଙ୍କ ପୂର୍ବରୁ ଅନ୍ୟତମ ଓପନର ଶୁଭମନ ଗିଲ୍ ମଧ୍ୟ ଆହତ କାରଣରୁ ସିରିଜରୁ ବାଦ ପଡିସାରିଛନ୍ତି ।
ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ଏନେଇ ସ୍ପଷ୍ଟ କରିଛି । ନେଟ୍ସରେ ବ୍ୟାଟିଂ କରୁଥିବା ସମୟରେ ମୟଙ୍କଙ୍କ ହେଲମେଟ୍ରେ ବଲ୍ ଲାଗିଥିଲା ।
ବୋର୍ଡର ମେଡିକାନ ଟିମ ତାଙ୍କର ଚିକିତ୍ସା କରୁଛନ୍ତି ଓ ଆବଶ୍ୟକୀୟ ପରୀକ୍ଷା କରାଯାଉଛି । ମୟଙ୍କଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି ଓ ମେଡିକାଲ ଟିମଙ୍କ ନୀରିକ୍ଷଣରେ ରହିଛନ୍ତି ।
ପୂର୍ବରୁ ଆହତ ହୋଇ ସିରିଜରୁ ବାଦ ପଡିଥିବା ଶୁଭମନ ଗିଲ୍ଙ୍କ ସ୍ଥାନରେ ପୃଥ୍ବୀ ଶଙ୍କୁ ଟିମରେ ସାମିଲ କରାଯାଇଥିଲେ ମଧ୍ୟ ସେ ଇଂଲଣ୍ଡ ପହଞ୍ଚିନାହାନ୍ତି । ଫଳରେ ଭାରତ ପାଖରେ ରୋହିତ ଶର୍ମାଙ୍କ ସହିତ କେଏଲ ରାହୁଲଙ୍କୁ ଓପନିଂ କରାଇବାର ବିକଳ୍ପ ରହିଛି । ରାହୁଲ ପୂର୍ବରୁ ମଧ୍ୟ ଇଂନିସ ଓପନ କରିସାରିଛନ୍ତି ।
ବ୍ୟୁରୋ ରିପାେର୍ଟ, ଇଟିଭି ଭାରତ
