କାନପୁର୍: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ କାନପୁର୍ରେ ଖେଳାଯାଉଛି । ଟସ୍ ଜିତି ଭାରତୀୟ କ୍ୟାପଟେନ ଅଜିଙ୍କ୍ୟ ରାହାଣେ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି । ଫଳରେ ଭାରତ ପ୍ରଥମ ଇଂନିସ ବ୍ୟାଟିଂ ଜାରି ରଖିଥିବାବେଳେ ଟି' ବ୍ରେକ୍(Tea Break) ସୁଦ୍ଧା ୪ ୱିକେଟ ହରାଇ ୧୫୪ ରନ୍ ସଂଗ୍ରହ କରିନେଇଛି ।
ଅପରାହ୍ନ ସେସନରେ(afternoon session) ୩ଟି ୱିକେଟ ହରାଇଛି । ଏହି ସେସନରେ ଭାରତ ପ୍ରଥମେ ଶୁଭମନ ଗିଲ୍(୫୨), ଚେତେଶ୍ବର ପୂଜାରା(୨୬) ଓ କ୍ୟାପଟେନ ଅଜିଙ୍କ୍ୟ ରାହାଣେ(୩୫)ଙ୍କ ୱିକେଟ ହରାଇଛି । ସମସ୍ତ ୩ ଜଣ ବ୍ୟାଟର ଭଲ ଆରମ୍ଭ ସତ୍ତ୍ବେ ବଡ ସ୍କୋର କରିବାରେ ବିଫଳ ହୋଇଛନ୍ତି ।
ଶ୍ରେୟସ ଆୟର (୫୫ ବଲ୍ରୁ ୧୭) ଓ ରବିନ୍ଦ୍ର ଜାଡେଜା(୧୩ ବଲ୍ରୁ ୬) ରନ୍ କରି ଖେଳୁଛନ୍ତି । ପୁଣି ଥରେ କେଲ୍ ଜେମିଏସନ ଭାରତୀୟ ବ୍ୟାଟ୍ରଙ୍କୁ ଅସୁବିଧାରେ ପକାଇଛନ୍ତି । ୩ଟି ୱିକେଟ ସେ ଅକ୍ତିଆର କରିସାରିଛନ୍ତି ।
ଏହା ମଧ୍ୟ ପଢନ୍ତୁ: IND v NZ: କାନପୁର ଟେଷ୍ଟରେ ଡେବ୍ୟୁ କରିବେ ଶ୍ରେୟସ ଆୟର
ଓପନର ମୟଙ୍କ ଅଗ୍ରୱାଲ ୨୮ ବଲ୍ରୁ ୧୨ ରନ୍ କରି ପ୍ରଥନ ଖେଳାଳି ଭାବେ ଆଉଟ୍ ହେବାପରେ ଲଞ୍ଚ୍ ବ୍ରେକ୍ ସୁଦ୍ଧା ଭାରତର ସ୍କୋର ୮୨/୧ ରହିଥିଲା । ପୂଜାରା ଓ ଗିଲ୍ଙ୍କ ମଧ୍ୟରେ ୬୧ରନ୍ର ଉପଯୋଗୀ ଭାଗିଦାରୀ ହୋଇଥିଲା ।
ସଂକ୍ଷିପ୍ତ ସ୍କୋର: ୧୫୪/୪, ୫୬ ଓଭର(ଶୁଭମନ ଗିଲ୍ ୫୨, ଅଜିଙ୍କ୍ୟ ରାହାଣେ ୩୫, କେଏଲ ଜେମିଏସନ ୩/୩୮) ।
ବ୍ୟୁରୋ ରିପୋର୍ଟ, ଇଟିଭି ଭାରତ
