ମୁମ୍ବାଇ: ରୋମାଞ୍ଚକର ସ୍ଥିତିରେ ୱାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ଭାରତ-ନ୍ୟୁଜିଲାଣ୍ଡ ଦ୍ବିତୀୟ ଟେଷ୍ଟ । ଟସ୍ ଜିତି ଭାରତୀୟ କ୍ୟାପଟେନ ବିରାଟ କୋହଲି ପ୍ରଥମେ ବ୍ୟାଟିଂ ନିଷ୍ପତ୍ତି ନେବାପରେ ପ୍ରଥମ ଇଂନିସରେ ଘରୋଇ ଟିମ ୩୨୫ ରନ୍ କରିପାରିଛି ।
ଓପନର ମୟଙ୍କ ଅଗ୍ରୱାଲ ଦମଦାର ଶତକ ହାସଲ କରିଥିବାବେଳେ ଭାରତୀୟ ଇଂନିସର ସମସ୍ତ ୧୦ ୱିକେଟ ଅକ୍ତିଆର(10-wicket haul) କରି ବିରଳ କିର୍ତ୍ତୀମାନର ଅଧିକାରୀ ହୋଇଛନ୍ତି ନ୍ୟୁଜିଲାଣ୍ଡ ବୋଲର ଏଜାଜ ପଟେଲ ।
ଏହାମଧ୍ୟ ପଢନ୍ତୁ: ଇତିହାସ ରଚିଲେ Ajaz Patel, ଭାରତର ସମସ୍ତ ୧୦ ୱିକେଟ ନେଲେ
ଦ୍ବିତୀୟ ଦିନରେ ୱାଙ୍ଖଡେ ପିଚ୍ରେ ବୋଲରଙ୍କ କମାଲ ଦେଖିବାକୁ ମିଳିଛି । ପ୍ରଥମେ କିୱି ସ୍ପିନର ଏଜାଜ ପଟେଲ ଓ ପରେ ଭାରତୀୟ ଦ୍ରୁତ ବୋଲର ମହମ୍ମଦ ସିରାଜଙ୍କ ଘାତକ ବୋଲିଂ ଦେଖିବାକୁ ମିଳିଛି । ଦ୍ବିତୀୟ ଦିନ ଖେଳ ଟି' ବ୍ରେକ୍ ସୁଦ୍ଧା ନ୍ୟୁଜିଲାଣ୍ଡ ମାତ୍ର ୩୮ ରନ୍ରେ ୬ଟି ୱିକେଟ ହରାଇଛି ।
ସିରାଜ ୩ଟି ୱିକେଟ ହାସଲ କରି ନ୍ୟୁଜିଲାଣ୍ଡର ବ୍ୟାଟିଂ ବିପର୍ଯ୍ୟୟ ଘଟାଇଛନ୍ତି । ଏଥିସଗ ୩ ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନ, ଅକ୍ଷର ପଟେଲ ଓ ଜୟନ୍ତ ଯାଦବଙ୍କୁ ଗୋଟିଏ ଲେଖାଏଁ ୱିକେଟ ମିଳିଛି । ଭାରତର ପ୍ରଥମ ଇଂନିସ ସ୍କୋର ଠାରୁ ଭ୍ରମଣକାରୀ ଟିମ ୨୮୭ ରନ୍ ପଛରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
