ଥିରୁଅନନ୍ତପୁରମ: ସୁପର ସନ୍ଡେ'ରେ ସୁପର ମୁକାବିଲା ଆରମ୍ଭ ହୋଇଯାଇଛି । ଆଜି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଦ୍ବିତୀୟ ଟି୨୦ ମ୍ୟାଚ୍ ପାଇଁ ଟସ୍ ଜିତି ପ୍ରଥମେ ବୋଲିଂ କରୁଛି ଅଷ୍ଟ୍ରେଲିଆ । କେରଳର ଥିରୁବନନ୍ତପୁରମସ୍ଥିତ ଗ୍ରୀନଫିଲ୍ଡ ଇଣ୍ଟରନାସ୍ନାଲ୍ କ୍ରିକେଟ୍ ଷ୍ଟାଡିୟମରେ ମୁହାଁମୁହିଁ ହୋଇଛନ୍ତି ଦୁଇ ଦଳ । ୫ ମ୍ୟାଚ୍ ବିଶିଷ୍ଟ ଟି୨୦ ସିରିଜରେ ଭାରତ ପ୍ରଥମ ମ୍ୟାଚ୍ ଜିତି ୧-୦ରେ ଆଗୁଆ ରହିଛି । ତେବେ ଦ୍ବିତୀୟ ମ୍ୟାଚ୍ରେ ବିଜୟଧାରା ବଜାୟ ରଖିବା ଲକ୍ଷ୍ୟରେ ପ୍ରଥମେ ବ୍ୟାଟିଂ କରୁଛି ଟିମ୍ ଇଣ୍ଡିଆ ।
-
#TeamIndia remain unchanged for the 2nd T20I 👌👌
— BCCI (@BCCI) November 26, 2023 " class="align-text-top noRightClick twitterSection" data="
Follow the Match ▶️ https://t.co/nwYe5nOBfk#TeamIndia | #INDvAUS | @IDFCFIRSTBank pic.twitter.com/qf4x9QWiqR
">#TeamIndia remain unchanged for the 2nd T20I 👌👌
— BCCI (@BCCI) November 26, 2023
Follow the Match ▶️ https://t.co/nwYe5nOBfk#TeamIndia | #INDvAUS | @IDFCFIRSTBank pic.twitter.com/qf4x9QWiqR#TeamIndia remain unchanged for the 2nd T20I 👌👌
— BCCI (@BCCI) November 26, 2023
Follow the Match ▶️ https://t.co/nwYe5nOBfk#TeamIndia | #INDvAUS | @IDFCFIRSTBank pic.twitter.com/qf4x9QWiqR
ବରିଷ୍ଠ ଖେଳାଳିଙ୍କ ଅନୁପସ୍ଥିତିରେ ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ଏହି ଟି୨୦ ସିରିଜର ପ୍ରଥମ ମ୍ୟାଚ୍କୁ ରୋମାଞ୍ଚକ ଭାବେ ଜିତି ନେଇଥିଲା ଟିମ୍ ଇଣ୍ଡିଆ । ଦୃଢ ମନୋବଳ ସହିତ ଆଜିର ମ୍ୟାଚ୍ ଜିତିବା ଲକ୍ଷ୍ୟରେ ରହିଛନ୍ତି ମେନ୍ ଇନ୍ ବ୍ଲ୍ୟୁ । ଅନ୍ୟପଟେ ଅଷ୍ଟ୍ରେଲିଆ ସିରିଜକୁ ଫେରିବା ପାଇଁ ବ୍ୟାକୁଳ ରହିଛି । ଫଳରେ ମ୍ୟାଚ୍ଟି ତୀବ୍ର ସଂଘର୍ଷପୂର୍ଣ୍ଣ ହେବ ବୋଲି ଆଶା କରାଯାଉଛି । ତେବେ ଟସ୍ ଜିତି ଅଷ୍ଟ୍ରେଲିଆ ପ୍ରଥମେ ବୋଲିଂ କରୁଛି । ଭାରତୀୟ ଦଳର ଚୂଡ଼ାନ୍ତ ଏକାଦଶରେ କୌଣସି ପରିବର୍ତ୍ତନ ହୋଇ ନଥିବାବେଳେ ଅଷ୍ଟ୍ରେଲିଆ କିନ୍ତୁ ପ୍ରଥମ ପରାଜୟ ପରେ ଭୟ କରିଯାଇଛି । ସିରିଜ୍କୁ ଫେରିବା ଲକ୍ଷ୍ୟରେ ଦଳରେ ଦୁଇଟି ବଡ଼ ପରିବର୍ତ୍ତନ କରିଛି କଙ୍ଗାରୁ ଦଳ । ଜାଶନ ବେହେରନଡଫ୍ଙ୍କ ସ୍ଥାନରେ ଆଡାମ ଜାମ୍ପା ଓ ଆରୋନ ହାର୍ଡିଙ୍କ ବଦଳରେ ଗ୍ଲେନ ମ୍ୟାକ୍ସୱେଲ୍ଙ୍କୁ ଚୂଡାନ୍ତ ଏକାଦଶରେ ସାମିଲ୍ କରିଛି ଅଷ୍ଟ୍ରେଲିଆ ।
ପ୍ରକାଶ ଥାଉ, ଅଷ୍ଟ୍ରେଲିଆ ଗତ ୧ ବର୍ଷରୁ ଅଧିକ ସମୟ ହେବ କ୍ରିକେଟ୍ର ଏହି ଛୋଟ ଫର୍ମାଟ୍ରେ ଭାରତକୁ ହରାଇ ପାରିନାହିଁ । ଶେଷଥର ୨୦୨୨ ସେପ୍ଟେମ୍ବରରେ ଟି୨୦ ବିଶ୍ବକପ୍ରେ ଭାରତକୁ ହରାଇଥିଲା ଅଷ୍ଟ୍ରେଲିଆ । ବିଶାଖାପଟନମ୍ ମୁକାବିଲାରେ ମଧ୍ୟ ପ୍ରଥମେ ବ୍ୟାଟିଂ କରି ୨୦୮ ରନ୍ର ବିଶାଳ ସ୍କୋର କରିବା ସତ୍ତ୍ବେ ଅଷ୍ଟ୍ରେଲିଆ ପରାଜିତ ହୋଇଥିଲା । ତେଣୁ ଆଜି ମ୍ୟାଚ୍ରେ ସିରିଜ୍କୁ ଫେରିବା ଲକ୍ଷ୍ୟ ନେଇ ସ୍ୱତନ୍ତ୍ର ରଣକୌଶଳ ସହ ମୈଦାନକୁ ଓହ୍ଲାଇଛି ଅଷ୍ଟ୍ରେଲିଆ । ସେପଟେ ପ୍ରଥମେ ବ୍ୟାଟିଂ କରୁଥିବା ଭାରତକୁ ମଧ୍ୟ ଏହି ସିରିଜ୍ରେ ବିଜୟଧାରା ବଜାୟ ରଖିବାକୁ ହେଲେ ଅଷ୍ଟ୍ରେଲିଆ ଆଗରେ ବଡ଼ ସ୍କୋର ରଖିବାକୁ ହେବ ।
ଏହା ମଧ୍ୟ ପଢ଼ନ୍ତୁ...ଆଜି ଭାରତ-ଅଷ୍ଟ୍ରେଲିଆ ଦ୍ବିତୀୟ ଟି-ଟ୍ବେଣ୍ଟି, ବିଜୟଧାରା ବଜାୟ ଲକ୍ଷ୍ୟରେ ସୂର୍ଯ୍ୟ ସେନା
ଭାରତୀୟ ଚୂଡ଼ାନ୍ତ ଏକାଦଶ: ଇଶାନ କିଷାନ, ଯଶସ୍ବୀ ଜୈସ୍ବାଲ୍, ଋତୁରାଜ ଗାଏକୱାଡ୍, ସୂର୍ଯ୍ୟକୁମାର ଯାଦବ (ଅଧିନାୟକ), ତିଲକ ବର୍ମା, ରିଙ୍କୁ ସିଂହ, ଅକ୍ଷର ପଟେଲ୍, ରବି ବିଷ୍ଣୋଇ, ଅର୍ଶଦୀପ ସିଂହ, ପ୍ରସିଦ୍ଧ କ୍ରିଷ୍ଣା, ମୁକେଶ କୁମାର
ଅଷ୍ଟ୍ରେଲିଆ ଚୂଡ଼ାନ୍ତ ଏକାଦଶ: ଷ୍ଟିଭ୍ ସ୍ମିଥ୍, ମାଥ୍ୟୁ ସର୍ଟ୍, ଗ୍ଲେନ୍ ମ୍ୟାକ୍ସୱେଲ୍, ଜୋଶ ଇଂଲିଶ୍, ମାର୍କସ ଷ୍ଟୋଇନିସ୍, ଟିମ୍ ଡେଭିଡ୍, ମାଥ୍ୟୁ ୱେଡ୍ (ଅଧିନାୟକ), ସିନ୍ ଆବୋଟ୍, ନାଥନ ଏଲିସ୍, ଆଡାମ ଜାମ୍ପା, ତନବୀର ସାଂଘା
ବ୍ୟୁରୋ ରିପୋର୍ଟ, ଇଟିଭି ଭାରତ
