ଦୁବାଇ: ଅନ୍ତର୍ଜାତୀୟ କ୍ରିକେଟ ପରିଷଦ(ICC)ର ସ୍ଥାୟୀ CEO ହେଲେ ଅଷ୍ଟ୍ରେଲୀୟ ଗଫ୍ ଆଲାର୍ଡିସ୍ । ଅନ୍ତରୀଣ ଭାବେ ପ୍ରାୟ ୮ ମାସ ଦାୟିତ୍ବରେ ରହିବା ପରେ ରବିବାର କ୍ରିକେଟର ସର୍ବୋଚ୍ଚ ପରିଚାଳନା ବୋର୍ଡ ଏହି ଘୋଷଣା କରିଛି ।
ଗତ ଜୁଲାଇ ମାସରେ ICC CEO ପଦରୁ ଇସ୍ତଫା ଦେଇଥିଲେ ମନୁ ସୱନେ । ତାଙ୍କ ସ୍ଥାନରେ ପୂର୍ଣ୍ଣକାଳୀନ CEO ଭାବେ ଦାୟିତ୍ବ ତୁଲାଇବେ ଆଲାର୍ଡିସ୍ ।
ପୂର୍ବତନ ଅଷ୍ଟ୍ରେଲୀୟ ପ୍ରଥମ ଶ୍ରେଣୀ କ୍ରିକେଟର ଓ ପ୍ରଶାସକ ଆଲାର୍ଡିସ୍, ICC ର କ୍ରିକେଟ ଜେନେରାଲ ମ୍ୟାନେଜର ଭାବେ ୮ ବର୍ଷ କାର୍ଯ୍ୟ କରିଛନ୍ତି । କ୍ରିକେଟ ଅଷ୍ଟ୍ରେଲିଆରେ ମଧ୍ୟ ପ୍ରଶାସକ ଦାୟିତ୍ବ ତୁଲାଇଛନ୍ତି । ସଦ୍ୟ ସମାପ୍ତ ICC ପୁରୁଷ ଟି-୨୦ ବିଶ୍ବକପ କଠିନ ସମୟରେ ଆୟୋଜନ ସଫଳତାର ସହ କରିବାରେ ଆଲାର୍ଡିସ୍ଙ୍କ ବିଶେଷ ଭୁମିକା ରହିଛି ।
ନୂଆ ନିଯୁକ୍ତ ପରେ ଆଲାର୍ଡିସ୍ ସମସ୍ତ ICC ଷ୍ଟାଫ୍ଙ୍କୁ ଧନ୍ୟବାଦ ଜଣାଇଛନ୍ତି ଓ କ୍ରିକେଟର ସେବା ଜାରି ରଖିବେ ବୋଲି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
