ମୁମ୍ବାଇ: ବିରାଟ କୋହଲି ଫାଉଣ୍ଡେସନ ପକ୍ଷରୁ ମଲାଡର ମଡ୍ ଅଞ୍ଚଳରେ ବୁଲାପଶୁଙ୍କ ପାଇଁ ଏକ ଆଘାତ ଓ ପୁନର୍ବାସ କେନ୍ଦ୍ରର ଉଦ୍ଘାଟନ କରାଯାଇଛି । ପୂର୍ବରୁ ଚଳିତ ବର୍ଷ, ଭାରତୀୟ କ୍ୟାପଟେନ ବିରାଟ କୋହଲି କହିଥିଲେ ମୁମ୍ବାଇରେ ସେ ଦୁଇଟି ପଶୁ ଚିକିତ୍ସାକେନ୍ଦ୍ର ଖୋଲିବାକୁ ଯାଉଛନ୍ତି ।
ସହରରେ ବୁଲା ପଶୁଙ୍କ ଦୁଃଖରେ ଅନୁଷ୍କା ଦୁଃଖି ହେବାପରେ ବିରାଟ କୋହଲି ଫାଉଣ୍ଡେସନ ପକ୍ଷରୁ ପୁନର୍ବାସ କେନ୍ଦ୍ରର ଚିନ୍ତା କରାଯାଇଥିଲା । ସେଥିପାଇଁ କୋହଲି ପତ୍ନୀ ଅନୁଷ୍କାଙ୍କୁ ହିଁ ଶ୍ରେୟ ଦେଇଛନ୍ତି ।
ସହରରେ ବୁଲା ପଶୁଙ୍କ ପାଇଁ ସୁରକ୍ଷିତ ସ୍ଥାନ ଉପଲବ୍ଧ କରିବାକୁ ସ୍ବପ୍ନ ଥିଲା କହିଛନ୍ତି କୋହଲି । ଏହାଦ୍ବାରା ଅନେକ ନୀରିହ ପଶୁ ଉପକୃତ ହେବେ ବୋଲି ଆଶାବାଦୀ ଥିବା କହିଛନ୍ତି କୋହଲି । ଉଦ୍ଘାଟିତ କେନ୍ଦ୍ରରେ ଆହତ ପଶୁଙ୍କ ଚିକିତ୍ସା ବ୍ୟବସ୍ଥା ମଧ୍ୟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
