ମୁମ୍ବାଇ: ବିଶ୍ବକପକୁ ଆଉ ମାତ୍ର 30 ଦିନ । ସବୁ ଦଳର ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ । 15 ଜଣିଆ ଦଳ ମଧ୍ୟ ଘୋଷଣା ସରିଛି । ଏବେ ଅପେକ୍ଷା କେବଳ ମେ 30କୁ ।
କ୍ରିକେଟ ମହାକୁମ୍ଭର ସବୁଠୁ ବଡ ଟୁର୍ଣ୍ଣାମେଣ୍ଟ ହେଉଛି ବିଶ୍ବକପ । ଭାରତୀୟ ଦଳ ମଧ୍ୟ ନିଜର 15 ଜଣିଆ ଖେଳାଳୀ ତାଲିକା ଘୋଷଣା କରିଛି । ଦଳରେ ଅଭିଜ୍ଞ ଧୋନୀ, ବିରାଟ, ରୋହିତ, କାର୍ତ୍ତିକଙ୍କ ସହିତ ପାଣ୍ଡ୍ୟା ଓ ବିଜୟ ଶଙ୍କରଙ୍କୁ ମଧ୍ୟ ସ୍ଥାନ ମିଳିଛି । ବିଶ୍ବକପରେ ପ୍ରଥମକରି ଭାରତୀୟ ଦଳର ନେତୃତ୍ବ ନେବେ ବିରାଟ । ରୋହିତଙ୍କୁ ଉପ-ଅଧିନାୟକ ଦାୟିତ୍ବ ମିଳିଛି ।
ଦଳର ଉପ-ଅଧିନାୟକ ଦାୟିତ୍ବ ମଧ୍ୟ ଗୁରୁତ୍ବପୂର୍ଣ୍ଣ । 'ସବୁ କଠିନ ସମୟରେ ମୁଁ ବିରାଟଙ୍କ ସାଥିରେ ରହିବି । ସେ ସନ୍ଦେହରେ ଥିବା ବେଳେ ତାଙ୍କୁ ସାହାଯ୍ୟ କରିବି' । ଯାହା ଆମେ ଆଗରୁ କରିଆସୁଛୁ ବୋଲି ରୋହିତ କହିଛନ୍ତି ।
ଯେତେବେଳେ ଧୋନୀ ଅଧିନାୟକ ଥିଲେ, ସଚିନ ପାଜି,ସେହ୍ବାଗ ଓ ଅନ୍ୟ ସିନିୟର ଖେଳାଳୀ ତାଙ୍କୁ ପରାମର୍ଶ ଦେଉଥିଲେ । ଏବେ ଆମର ଦାୟିତ୍ବ ହେବ ଆମେ ବିରାଟଙ୍କୁ ଆବଶ୍ୟକ ସ୍ଥଳେ ସହଯୋଗ କରିବୁ । ବିରାଟ ମଧ୍ୟ ପୂର୍ବରୁ କହିସାରିଛନ୍ତି ଯେ, ରଣନୀତି ବନେଇବା ସମୟରେ ଧୋନୀ ଓ ରୋହିତଙ୍କ ମତାମତ ଜରୁରୀ ।
